ԵԱՀԿ նիստում խոսվել է ահաբեկիչների ներգրավմամբ Արցախի և Հայաստանի դեմ ագրեսիայի մասին

© AFP 2020 / NAZEER AL-KHATIB Сирийские боевики в районе горы Берсая к северу от сирийского города Азаз (22 января 2018). Сирия
Сирийские боевики в районе горы Берсая к северу от сирийского города Азаз (22 января 2018). Сирия - Sputnik Արմենիա
Բաժանորդագրվեք
Հայաստանն արդեն դիմել է Քիմիական զենքի արգելման կազմակերպությանը` հետաքննություն անցկացնելու խնդրանքով։

ԵՐԵՎԱՆ, 6 նոյեմբերի - Sputnik. Վիեննայում կայացած ԵԱՀԿ Մշտական խորհրդի նիստի օրակարգում Հայաստանի պատվիրակության նախաձեռնությամբ ներառվել է  «Ադրբեջանի՝ Թուրքիայի և օտարերկրյա ահաբեկչական մարտիկների ներգրավմամբ ագրեսիան Արցախի և Հայաստանի դեմ» հարցը։ Տեղեկությունը հայտնում է ՀՀ ԱԳՆ մամուլի ծառայությունը։

Մենք մեր գործը անավարտ չենք թողնում. կին հետախույզ - Sputnik Արմենիա
Հետախուզական խմբի կին փոխհրամանատարը՝ վիրավոր ամուսնու և 1-ամյա փոքրիկի կարոտի մասին

Ըստ հաղորդագրության՝ նոյեմբերի 5-ին կայացած նիստում ԵԱՀԿ ՀՀ մշտական ներկայացուցիչ, դեսպան Արմեն Պապիկյանն իր ելույթում խոսել է Ադրբեջանի կողմից միջազգային մարդասիրական իրավունքի խախտումների և ռազմական հանցագործությունների մասին։

«Արցախի և նրա ժողովրդի դեմ Թուրքիայի սատարմամբ Ադրբեջանի սանձազերծած ագրեսիան, որին ուղակի ներգրավված են օտարերկրյա զինյալ ահաբեկիչները և ջիհադիստները, ուղեկցվում է բազմաթիվ ռազմական հանցագործություններով՝ քաղաքացիական բնակավայրերի և ենթակառուցվածքների ռմբակոծություն, կասետային և սպիտակ ֆոսֆոր պարունակող սպառազինությունների կիրառում, քաղաքացիական և ռազմագերիների հանդեպ բռնություն և դաժան սպանություններ, գլխատումներ և դիախեղումներ»,- նշել է դեսպանն իր ելույթում։

Արտավազդ Փելեշյանը 15.000 եվրո հոնորարը փոխանցել է «Հայաստան» հիմնադրամին

Ի դեպ, խոսելով ֆոսֆորային զինատեսակի կիրառման մասին դեսպան Պապիկյանը տեղեկացրել է, որ Հայաստանն արդեն դիմել է Քիմիական զենքի արգելման կազմակերպությանը` հետաքննություն անցկացնելու խնդրանքով։

Նա ընդգծել է՝ խաղաղ բնակչությանը պարբերաբար թիրախավորելուց հետո «Ադրբեջանն անամոթաբար խոսում է «խաղաղ համատեղ ապրելու հեռանկարի մասին»։

Президент Карабаха Араик Арутюня встретился с фракциями НС Карабаха (6 ноября 2020). Карабах - Sputnik Արմենիա
Արայիկ Հարությունյանն Ազգային ժողովի խմբակցությունների հետ քննարկել է ստեղծված իրավիճակը

Առանձնահատուկ շեշտադրումներով Պապիկյանը խոսել է հակամարտության սրման հարցում Թուրքիայի ներգրավման մասին, որը նաև ահաբեկիչներ է տեղափոխել հակամարտության գոտի։

«Հայաստանը, որպես միջազգային հանրության պատասխանատու անդամ, իր ներդրումն է ունեցել ահաբեկչության դեմ պայքարի միջազգային ջանքերում։ Հայկական կողմը նախազգուշացնում էր, որ միջազգային ահաբեկչության ներթափանցումը Հարավային Կովկաս ծայրահեղ վտանգավոր հետևանքներ կարող է ունենալ տարածաշրջանի բոլոր երկրների համար»,- հայտարարել է դեսպան Պապիկյանն ու ընդգծել՝ Թուրքիան, ահաբեկիչներին և ջիհադիստներին վարձելով, աջակցում է ահաբեկչությանը։

Պուտինն անվտանգության խորհրդի անդամների հետ քննարկել է Արցախի հարցը

Դեսպանը նշել է՝ Արցախի ժողովրդի ազատ ինքնորոշման իրացման և անկախ պետություն ստեղծելու իրավունքի միջազգային ճանաչումը միայն կարող է ապահովել քաղաքական և իրավական միջավայրը՝ Արցախի ժողովրդի անվտանգությունը և նրա իրավունքները պաշտպանելու համար։ Նա կոչ է արել ԵԱՀԿ մասնակից պետություններին դիտարկել այս խնդիրը՝ պատերազմի բոլոր աղետալի հետևանքների համատեքստում։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала