Ուր և ինչպես դիմեն արցախցիները կացարանի, սննդի և այլ հարցերով. մանրամասնում է Բաթոյանը

© Sputnik / Aram NersesyanМинистр труда и социальных вопросов Армении Заруи Батоян в гостях радио Sputnik
Министр труда и социальных вопросов Армении Заруи Батоян в гостях радио Sputnik - Sputnik Արմենիա
Բաժանորդագրվեք
НовостиTelegram
Նախարարը հրապարակել է գործընկեր կազմակերպությունների ցանկն ու կոնտակտային տվյալները, որոնք ևս զբաղվում են արցախցիների խնդիրներով։

ԵՐԵՎԱՆ, 6 նոյեմբերի - Sputnik. Ուր և ինչպես պետք է դիմեն Հայաստանում ժամանակավորապես ապաստանած արցախցիները կացարանի, սննդի, հիգիենայի միջոցների, հրատապ այլ օգնության համար։ ՀՀ աշխատանքի և սոցիալական հարցերի նախարար Զարուհի Բաթոյանը Facebook -ի իր էջում մանրամասնել է, թե հայաստանյան որ կառույցը որ գործընթացի կազմակերպման համար է պատասխանատու։ Աշխատանքի և սոցիալական հարցերի նախարարությունը համակարգում է Հայաստանում Արցախի քաղաքացիներին ժամանակավոր կացարանով ապահովելու գործընթացը:

«Դրա համար անհրաժեշտ է, որ կացարանի կարիք ունեցող արցախցիներն իրենք կամ իրենց ծանոթ ՀՀ բնակիչները, համայնքապետարանները կամ աջակցող որևէ անձ դիմի նախարարություն՝ զանգահարելով 114 թեժ գծին»,- գրել է նախարարը։

Ինչ վերաբերում է սննդով և հիգիենայի պարագաներով ապահովմանը, ապա այդ հարցերով զբաղվում են տեղական ինքնակառավարման մարմինները՝ պետական միջոցների հաշվին: Ուստի անհրաժեշտ է դիմել համայնքապետարաններ: Ի դեպ, համապատասխան հեռախոսահամարները ճշտելու համար ևս քաղաքացիները կարող են զանգահարել 114 թեժ գծին։

Արցախի շուրջ 24.000 աշակերտի կյանքի և կրթության իրավունքն այսօր ոտնահարված է Ադրբեջանի սանձազերծած պատերազմի պատճառով - Sputnik Արմենիա
«Երազում եմ տեսնել հայրիկիս, միայն դա եմ երազում»․ արցախցի երեխաները՝ իրենց առօրյայի մասին

«Նկատի ունենալով նաև հրատապ օգնության կարիքները և դրանց ծավալները, կարող եք դիմել նաև ՀՀ կառավարության և համայնքապետարանների հետ իր առանձնահատուկ մանդատի շրջանակում համագործակցող «Հայկական կարմիր խաչի ընկերություն», որը տրամադրում է մարդասիրական աջակցություն Հայաստանի ամբողջ տարածքում (հեռ․՝ +374 60 625069, +374 60 627070)»,- նշված է Բաթոյանի գրառման մեջ։

Նա նաև տեղեկացնում է, որ առանձին մարզերում և համայնքներոմ կարելի է դիմել նաև սոցիալական աջակցության հարցերով նախարարության հետ համագործակցող կազմակերպություններին։ Նախարարը հրապարակել է նաև գործընկեր կազմակերպությունների ցանկն ու կոնտակտային տվյալները.

«Հայաստանի մանուկներ» բարեգործական հիմնադրամ․ հեռ․՝ +374 77 064245, գործում է Լոռու, Արմավիրի, Արագածոտնի մարզերում։

«Առաքելություն Հայաստան» ԲՀԿ․ հեռ՝ +374 9640354, գործում է Արարատի, Կոտայքի, Լոռու, Շիրակի, Գեղարքունիքի մարզերում։

«Երիտասարդական միքս» ՀԿ․ հեռ․՝ +374 94 969247, գործում է Կոտայքի մարզի Եղվարդ համայնքում։

Նախարարը նաև տեղեկացրել է, որ եթե կան կազմակերպություններ, որոնք կցանկանան իրենց տվյալներն ավելացնել այս ցանկում, անհրաժեշտ է կապ հաստատել նախարարության հետ 521431 հեռախոսահամարով:

 

Լրահոս
0