Ի՞նչ էր կատարվում Շուշիում. պատասխանում է Դավիթ Տոնոյանը

© Sputnik / Илья ПиталевՂազանչեցոց եկեղեցին Շուշիում
Ղազանչեցոց եկեղեցին Շուշիում - Sputnik Արմենիա
Բաժանորդագրվեք
НовостиTelegram
Նախարարի խոսքով` մինչև ՊՆ մամուլի խոսնակը մի տեղեկություն էր հայտնում, իրականությունը փոխվում էր։

ԵՐԵՎԱՆ, 10 նոյեմբերի – Sputnik. Շուշիի շուրջ իրադարձությունները շատ արագ էին փոխվում, հայկական ուժերը փորձել են անել անհնարինը։ Այս մասին Հանրային հեռուստաընկերության եթերում ասաց ՀՀ պաշատպանության նախարար Դավիթ Տոնոյանը։

Министр обороны Армении Давид Тоноян - Sputnik Արմենիա
Արվել է անհնարինը, մաքսիմումը. Դավիթ Տոնոյանը` արցախյան մարտերի մասին

«Մինչև վերջին օրն էլ Շուշիում եղել են մեր ուժերը, բայց նրանք բավարար չէին ամբողջ քաղաքի վերահսկողությունը վերականգնելու համար»,– ասաց Տոնոյանը։

Նախարարի խոսքով` մինչև ՊՆ մամուլի խոսնակը մի տեղեկություն էր հայտնում, իրադրությունը փոխվում էր։

«Մենք շատ ազնիվ ենք գտնվել մեր հանրության հետ։ Արվել է անհնարինը, ու ներկայացվել է դա։ Մեկ օրում միլիոնավոր դոլարների վնաս ենք հասցրել հակառակորդին։ Նույն անհնարինը եղել է թիկունքում։ Այն, ինչ կատարվել է թիկունքային ապահովման և սպառազինության, տեխնիկայի ապահովման տեսանկյունից, կարելի է, բացի ռազմական գործողություններից, նաև հերոսամարտ անվանել», – ասաց Տոնոյանը։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

ՀՀ վարչապետ Նիկոլ Փաշինյանը Facebook–ի իր էջում գրել էր, որ անձամբ իր և բոլորի համար ծանր, չափազանց ծանր որոշում է կայացրել:

Նա նշել էր, որ Ռուսաստանի և Ադրբեջանի նախագահների հետ ղարաբաղյան պատերազմը նոյեմբերի 10-ի ժամը 01.00-ից դադարեցնելու հայտարարություն է ստորագրել, շեշտելով, որ այդ որոշումը կայացրել է ռազմական իրադրության խորը վերլուծության և այդ իրադրությանն ամենալավ տիրապետող մարդկանց գնահատականի արդյունքում, նաև հիմնվելով այն համոզմունքի վրա, որ ստեղծված իրավիճակում սա հնարավոր ամենալավ հանգուցալուծումն է:

Քաղաքացիները պահանջում են չեղյալ համարել Փաշինյանի կողմից ստորագրված հայտարարությունը - Sputnik Արմենիա
Քաղաքացիները պահանջում են չեղարկել Արցախին վերաբերող հայտարարությունը

Փաշինյանի հայտարարությունից հետո բազմաթիվ մարդիկ շարժվել են դեպի Հանրապետության հրապարակ, մի խումբը ներխուժել է կառավարության գլխավոր մասնաշենք ու վարչապետի աշխատասենյակ, մի մասն էլ շարժվել է դեպի Բաղրամյան պողոտա ու մտել Ազգային ժողովի շենք։ ԱԺ նախագահ Արարատ Միրզոյանը ծեծի է ենթարկվել, նրան տեղափոխել են հիվանդանոց։

Սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Կրակը դադարեցվում է. ինչի տակ են ստորագրել Փաշինյանը, Պուտինն ու Ալիևը

Նոյեմբերի 10-ի ժամը 13։30-ի դրությամբ` հայկական կողմից զոհվել են 1302 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։

«Ո՞ւր է այդ...». քաղաքացիները ջարդել են դռներն ու մտել ՀՀ կառավարության շենք. տեսանյութ

Լրահոս
0