Պուտինը բացատրել է` ինչու Ֆրանսիան ու ԱՄՆ–ն չեն մասնակցել եռակողմ հայտարարության կազմմանը

© Sputnik / David GalstyanКолонна российских миротворцев направляется к монастырскому комплексу Дадиванк (16 ноября 2020). Карабах
Колонна российских миротворцев направляется к монастырскому комплексу Дадиванк (16 ноября 2020). Карабах - Sputnik Արմենիա
Բաժանորդագրվեք
НовостиTelegram
Ռուսաստանի նախագահի խոսքով` Հայաստանի վարչապետը հայ ժողովրդին «արդար և անկեղծ» է ներկայացրել ռազմաճակատում տիրող իրավիճակը` Ստեփանակերտի գրավումը ժամերի հարց էր։

ԵՐԵՎԱՆ, 17 նոյեմբերի - Sputnik. Ռուսաստանի նախագահ Վլադիմիր Պուտինը «Ռոսիա 24» հեռուստաալիքին տված հարցազրույցում ասել է, որ Լեռնային Ղարաբաղի վերաբերյալ եռակողմ հայտարարությունը կազմվել է հնարավորինս արագ, ամեն րոպեն կարևոր էր, և այդ պատճառով ԵԱՀԿ Մինսկի համանախագահ մյուս երկրները` Ֆրանսիան և ԱՄՆ–ն, տեղեկացված չեն եղել դրա մասին։

Колонна российских миротворцев направляется к монастырскому комплексу Дадиванк (16 ноября 2020). Карабах - Sputnik Արմենիա
Պուտինն ասել է` որ դեպքում է հնարավոր Ղարաբաղում ռուս խաղաղապահների թվի ավելացումը

«ԱՄՆ–ին և Ֆրանսիային չներգրավելը տեխնիկական հարց էր։ Այդ հայտարարությամբ մարդկանց ճակատագրերի խնդիր էր լուծվում, և պետք էր այն ժամ առաջ պատրաստել», – ասել է ՌԴ նախագահը։

Լրագրողի հարցին` արդյոք ԱՄՆ–ն և Ֆրանսիան չեն նեղսրտել նման քայլից, Պուտինը պատասխանել է, որ այդ երկրները նեղանալու պատճառ չունեն։

«Ես կարծում եմ` դա չափազանցություն է, որ նրանք նեղացել են։ Այդ համաձայնագիրը կազմվել է երկար տարիներով ԵԱՀԿ Մինսկի խմբի բանակցությունների արդյունքում։ Այն եղել է մեր ընդհանուր համոզմունքների շուրջ», – ասել է նախագահը։

Ռուսաստանի նախագահի խոսքով` Հայաստանի վարչապետն «արդար և անկեղծ» է հայ ժողովրդին ներկայացրել ռազմաճակատում տիրող իրավիճակը։

«Հոկտեմբերի 19–ին և 20-ին Ալիևի ու Փաշինյանի հետ հեռախոսազրույցներ վարեցի, և ինձ թվաց, որ արդեն հասել ենք մարտական գործողությունները դադարեցնելու որոշմանը։ Բայց չեղավ։ Դրանից հետո եղավ այն, ինչ կարելի էր կանխատեսել` ադրբեջանական ԶՈւ–ն գրավեց Շուշին։ Եվ պետք է ասեմ, որ վարչապետ Փաշինյանն իրավիճակը արդար և անկեղծ ներկայացրեց իր ժողովրդին ` ասելով, որ ռազմական դրությունը օրհասական էր, ժամերի ընթացքում կարող էր գրավվել Ստեփանակերտը», – ասել է Պուտինը։

Премьер-министр Армении Никол Пашинян принял участие в неформальной встрече глав государств СНГ (20 декабря 2019). Санкт-Петербург - Sputnik Արմենիա
Փաշինյանին դավաճան անվանելն ընդհանրապես հիմքեր չունի. Պուտին

ՌԴ նախագահի խոսքով` այդ պայմաններում հայկական կողմի շահերից էր բխում անմիջապես դադարեցնել ռազմական գործողությունները, և համանախագահ մյուս երկրների հետ համաձայնեցնելը ձգձգելու էր գործընթացը։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Հայաստանի, Ադրբեջանի և Ռուսաստանի առաջնորդների եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվում է Ռուսաստանի Դաշնության խաղաղապահ զորակազմ ՝ 1960-ական զինծառայողներով,  հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Լրահոս
0