ԵՐԵՎԱՆ, 19 նոյեմբերի – Sputnik. Ազգային անվտանգության ծառայությունը տեղեկացնում է, որ արտերկրում գտնվող որոշ օգտատերեր սոցցանցերի տիրույթում տարածում են հայտարարություններ, որոնցում ներկայանալով որպես միջազգային ֆինանսական կառույցների ներկայացուցիչներ, փորձում են հայազգի օգտատերերից կորզել անձնական տվյալներ:
«Մասնավորապես՝ www.facebook.com սոցցանցի «Dawaasuren Nymsuren» էջի օգտատերը, նշված սոցցանցի տարբեր խմբերում և հայալեզու գրառումների մեկնաբանություններում տարածում է հայտարարություն։ Ներկայանալով որպես 25 տարվա փորձ ունեցող ֆինանսական կառույցի աշխատակից՝ աջակցություն է առաջարկում բանկերի նկատմամբ պարտավորությունների կատարման, շինարարական ծրագրերի իրականացման և ֆինանսական դժվարությունների հաղթահարման հարցում»,–նշված է հաղորդագրության մեջ։
Բացի այդ, շահավետ պայմաններով գումար տրամադրելու քողի տակ փորձ է արվել ստանալ ամբողջական անձնական տվյալներ:
Հաշվի առնելով այն հանգամանքը, որ ՀՀ քաղաքացիներից խաբեությամբ ձեռք բերված անձնական տվյալները կարող են օգտագործվել ՀՀ–ում և Արցախում անձի, հասարակության ու պետության անվտանգության դեմ ուղղված գործունեություն իրականացնելու նպատակով, ԱԱԾ–ն հորդորում է համացանցում չարձագանքել կասկածելի բովանդակությամբ նմանատիպ հայտարարություններին։
Վահեի խաբեության զոհ դարձածների նոր պատմությունները. նրանք հյուրանոցներին էլ են մեղադրում