Արվածի մասին լրացուցիչ հաշվետվություն կներկայացնեմ. Զարուհի Բաթոյանը՝ իր հրաժարականի մասին

© Sputnik / Asatur YesayantsМинистр труда и социальных вопросов Заруи Батоян на заседании правительства Армении (24 октября 2019). Еревaн
Министр труда и социальных вопросов Заруи Батоян на заседании правительства Армении (24 октября 2019). Еревaн - Sputnik Արմենիա
Բաժանորդագրվեք
НовостиTelegram
Նախարարը շնորհակալություն է հայտնել նախարարության աշխատակիցներին, կամավորների թիմին համատեղ աշխատանքի համար։

ԵՐԵՎԱՆ, 20 նոյեմբերի - Sputnik. ՀՀ աշխատանքի և սոցիալական հարցերի արդեն նախկին նախարար Զարուհի Բաթոյանը Facebook-ի իր պաշտոնական էջում տեղեկացրել է վարչապետի որոշմամբ իր պաշտոնաթողության մասին։ Նա խոստացել է արված աշխատանքների մասին լրացուցիչ հաշվետվություն ներկայացնել: Առայժմ շնորհակալություն է հայտնել նախարարության իր գործընկերներին։

Министр труда и социальных вопросов Армении Заруи Батоян в гостях радио Sputnik - Sputnik Արմենիա
Զարուհի Բաթոյանը կազատվի պաշտոնից. նոր թեկնածուի նշանակումը կլինի շուտով

Նախկին նախարարն առանձնահատուկ երախտագիտություն է հայտնել հատկապես այն թիմին, որն առանց դադարի աշխատել է թե՛ COVID-ով պայմանավորված արտակարգ դրության, թե՛ ռազմական դրության օրերին։

«Հատուկ շնորհակալություն եմ հայտնում բոլոր կամավորներին, որոնք պատերազմի ընթացքում մեզ հետ էին և, իհարկե, բոլոր քաղաքացիներին, ում շնորհիվ Արցախի մեր հայրենակիցները աջակցություն ստացան»,- գրել է Բաթոյանը։

Ուղերձի վերջում նա շնորհակալություն է հայտնել ՀՀ վարչապետ Նիկոլ Փաշինյանին վստահության և համատեղ աշխատանքի համար:

Զարուհի Բաթոյանը ՀՀ աշխատանքի և սոցիալական հարցերի նախարար էր նշանակվել 2019 թ. հունվարի 19-ին։

Հիշեցնենք, որ նախագահի այսօրվա հրամանագրով նրան փոխարինել է վարչապետի խորհրդական Մեսրոպ Առաքելյանը։

Министр труда и социальных вопросов Заруи Батоян на заседании правительства Армении (24 октября 2019). Еревaн - Sputnik Արմենիա
«Չգիտեմ՝ ինչու է Արման Թաթոյանը նման բան ասել». Զարուհի Բաթոյանը հերքում է ՄԻՊ–ին

Այսօր հայտնի է դարձել նաև ՀՀ պաշտպանության նախարար Դավիթ Տոնոյանի պաշտոնանկության մասին։ Նրան փոխարինել է վարչապետի մեկ այլ խորհրդական, պաշտպանության նախկին նախարար Վաղարշակ Հարությունյանը։ 

Ավելի վաղ հրաժարականներ էին ներկայացրել արտգործնախարար Զոհրաբ Մնացականյանը ու ԱԻ նախարար Ֆելիքս Ցոլակյանը։

Վերջին օրերին իրենց պաշտոններից հեռացել են նաև ԱԺ նախագահ Արարատ Միրզոյանի խորհրդական Աշոտ Ղուլյանը, փոխարտգործնախարար Շավարշ Քոչարյանը, ՀՀ շրջակա միջավայրի նախարարության փոխնախարար Իրինա Ղափլանյանը, փոխվարչապետ Տիգրան Ավինյանի աշխատակազմի ղեկավար Վարագ Սիսեռյանը։

Նշենք, որ պաշտոնյաների ու պատգամավորների հրաժարականները սկսվել են նոյեմբերի 9-ին Հայաստանի, Ռուսաստանի ու Ադրբեջանի նախագահների եռակողմ հայտարարությունից հետո։

Լրահոս
0