Չինական հանդերձանքով թիկնապահնե՞ր. Արտակ Սարգսյանն արձագանքել է գրառումներին

© FB official page Артак Саргсян
Артак Саргсян  - Sputnik Արմենիա
Բաժանորդագրվեք
Yandex newsTelegram
Նոյեմբերի 20-ին Երևանում իրականացված բողոքի ակցիաների դադարեցման գործողություններին մասնակցած ոստիկաններից ոմանք տարօրինակ հանդերձանքով էին։ Սոցցանցերում այդ թեմայով բուռն քննարկումներ ծավալվեցին։

ԵՐԵՎԱՆ, 22 նոյեմբերի - Sputnik. Հայտնի գործարար, ԱԺ նախկին պատգամավոր Արտակ Սարգսյանը հերքել է իր անձի վերաբերյալ տարածվող «զրպարտչական տեղեկությունները»։ Այս մասին նա գրել է Facebook-ի իր էջում։

Акция протеста на площади Республики против действующего правительства (20 ноября 2020). Еревaн - Sputnik Արմենիա
Սև հանդերձանք, չինարեն գրություններ. ովքե՞ր էին Երևանում քաղաքացիներին բերման ենթարկողները

Նոյեմբերի 20-ին Երևանում իրականացված բողոքի ակցիաների դադարեցման գործողություններին մասնակցած ոստիկաններից ոմանք տարօրինակ հանդերձանքով էին, մասնավորապես` դրանց վրա կային չինարեն գրություններ։

Սոցցանցերում սկսեցին շրջանառվել օլիգարխների անուններ, որոնք, իբր, իրենց թիկնապահներին հանձնարարել են մասնակցել ակցիաների դադարեցմանը։ Գրում էին, թե գործարարներ Խաչատուր Սուքիասյանը, Սամվել Ալեքսանյանը և Արտակ Սարգսյանը, որպես Նիկոլ Փաշինյանին համերաշխության նշան, իրենց թիկնազորի անդամներին ուղարկել են մասնակցելու նոյեմբերի 20-ի գործողություններին։ 

«Վերջին օրերին սոցիալական ցանցերում իմ անձի վերաբերյալ տարածվում են զրպարտչական բնույթի ստահոդ տեղեկություններ։ Պաշտոնապես հայտարարում եմ, որ դրանք անհիմն են և ոչ մի կապ չունեն իրականության հետ», – գրել է Արտակ Սարգսյանը։

Նշենք, որ ոստիկանությունը նույնպես պաշտոնապես արձագանքել էր սոցցանցերի լուրերին` նշելով, որ այդ օրերի գործողություններին մասնակցել են միայն ոստիկաններ։

Հիշեցնենք, որ նոյեմբերի 20-ին Երևանի մի շարք փողոցներում քաղաքացիների տարբեր խմբեր փողոցներ էին փակել։ Նաև ավտոերթ էր կազմակերպվել դեպի Հանրապետության հրապարակ։ Բողոքի ակցիայի մասնակիցները պահանջում էին վարչապետ Նիկոլ Փաշինյանի հրաժարականը։

Հավելենք, որ բողոքի ակցիաները սկսվել են նոյեմբերի 9-ին Հայաստանի, Ռուսաստանի ու Ադրբեջանի նախագահների եռակողմ հայտարարությունից հետո։

Լրահոս
0