Գերիների և անհետ կորածների թեման շահարկվում է կառավարության բացթողումները ծածկելու համար

© Sputnik / Asatur YesayantsОмбудсмен Арман Татоян на заседании правительства Армении (6 сентября 2018). Еревaн
Омбудсмен Арман Татоян на заседании правительства Армении (6 сентября 2018). Еревaн - Sputnik Արմենիա
Բաժանորդագրվեք
Թաթոյանը հայտնում է, որ իր փոքրաթիվ աշխատակազմով սեպտեմբերի 27-ից սկսած հսկայածավալ շուրջօրյա աշխատանք է կատարել ու շարունակում է կատարել` օգտագործելով միջազգային կապերի տարիների կուտակած ողջ ներուժը:

ԵՐԵՎԱՆ, 23 նոյեմբերի – Sputnik. Ադրբեջանի կողմից գերեվարված և անհետ կորած մեր հայրենակիցների գերությունից վերադարձի ու նրանց հայտնաբերման ուղիղ պատասխանատուն, Հայաստանի Հանրապետության անունից բանակցություն վարողը ՀՀ կառավարությունն է իր համապատասխան մարմիններով: Facebook-ում նման արձանագրում է արել ՀՀ ՄԻՊ Արման Թաթոյանը։

«Կառավարության ուղիղ պարտավորությունն է այդ հարցերով իրական արդյունքին միտված կոնկրետ գործողություններով համակարգված աշխատանքների իրականացումը՝ ապահովելով անհրաժեշտ երկխոսություն և իրազեկում գերիների ու անհետ կորած համարվողների ընտանիքների, ինչպես նաև հանրության հետ»,– նշում է Թաթոյանը:

Полковник Виталий Восканян отвечает на вопросы журналистов во время акции протеста родителей солдат пропавших без вести  у здания Минобороны (16 ноября 2020). Еревaн - Sputnik Արմենիա
Անհետ կորած համարվող մի քանի զինվորի ողջ են գտել. Վիտալի Ոսկանյան

Հայաստանի մարդու իրավունքների պաշտպանը բոլորին հատուկ տեղեկացնում է, որ օժտված չէ գերիների վերադարձի կամ անհետ կորածներին հայտնաբերելու, Հայաստանից դեպի Արցախ սահմանային ճանապարհներին վերահսկողություն իրականացնելու իրավասությամբ ։

Այդուհանդերձ, պաշտպանը հայտնում է, որ իր փոքրաթիվ աշխատակազմով սեպտեմբերի 27-ից սկսած հսկայածավալ շուրջօրյա աշխատանք է կատարել ու շարունակում է կատարել` օգտագործելով միջազգային կապերի տարիների կուտակած ողջ ներուժը:

Թաթոյանն արձանագրում է, որ գերիների ու անհետ կորած անձանց թեման վերջին օրերին սոցիալական ցանցերում դարձել է դիտավորությամբ կազմակերպված անթույլատրելի շահարկման առարկա։ Կառավարության աշխատանքի ակնհայտ բացթողումները քողարկելու համար փորձ է արվում նսեմացնել Հայաստանի մարդու իրավունքների պաշտպանի աշխատանքը` առաջացնելով այդ աշխատանքի ակնհայտ խոչընդոտներ։

Անհետ կորած զինծառայողների հարցով քննարկում կլինի. ի՞նչ են խոստանում ծնողներին

«Մարդու իրավունքների պաշտպանի նպատակային անկախ դիտարկումը ցույց է տալիս, որ կեղծ էջերով կազմակերպված այս դատապարտելի արշավի նպատակն է հանրային էմոցիոնալ ֆոնի օգտագործմամբ ներգրավել հնարավորինս շատ իրական օգտատերեր, մարդկանց, ովքեր իրապես մտահոգված են գերեվարված կամ անհետ կորած համարվող մեր հայրենակիցների ճակատագրով ու դրանով քողարկել կառավարության իրական արդյունք ապահովելուն ուղղված կոնկրետ գործողություններով համակարգված աշխատանքի բացակայությունը»,– գրում է ՄԻՊ–ը` պահանջելով անմիջապես դադարեցնել այդ բացարձակ անթույլատրելի, դատապարտելի արարքները:

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала