ԵՐԵՎԱՆ, 27 նոյեմբերի – Sputnik․ Այսօր փոխվարչապետ Տիգրան Ավինյանի գլխավորությամբ տեղի է ունեցել գերիների, պատանդների և անհետ կորած անձանց հարցերով զբաղվող միջգերատեսչական հանձնաժողովի ընդլայնված կազմով նիստը: Տեղեկությունը հայտնում է ՀՀ կառավարության մամուլի ծառայությունը։
Հանդիպման ընթացքում քննարկվել են գերիների փոխանակման բանակցությունների ընթացքը, անհետ կորած անձանց հայտնաբերման ուղղությամբ իրականացվող որոնողական աշխատանքներին վերաբերող հարցեր:
«Մանրամասն անդրադարձ է կատարվել զոհված, անհետ կորած, վիրավոր զինծառայողների ընտանիքների անդամների սոցիալական ապահովման ու հոգեբանական աջակցության խնդիրներին, ընտանիքների անդամներին վերջին զարգացումների մասին օպերատիվ կերպով համապարփակ տեղեկատվության տրամադրման հարցերին»,- նշված է հաղորդագրության մեջ։
Դիերի անարգանքի, գերիների խոշտանգման տեսանյութերն իրական են. ՄԻՊ–ը պատասխանել է Ադրբեջանին
Ներկաները քննարկել են նաև զոհվածների դիերի նույնականացման գործընթացի արագացման խնդիրը:
Փոխվարչապետ Ավինյանը գերատեսչությունների ղեկավարներին հանձնարարականներ է տվել առկա խնդիրները հնարավորինս սեղմ ժամկետներում լուծելու համար։
Գերիներին չխոշտանգել, դիերը չխեղել. կառավարությունը ՄԻԵԴ է ներկայացրել նոր ապացույցներ
