Ինչ գիտեն Ղարաբաղյան հակամարտության մասին Ռուսաստանում. հարցում

© Sputnik / Илья ПиталевВоеннослужащий возле дома, поврежденного в результате обстрела Степанакерта (6 ноября 2020). Карабах
Военнослужащий возле дома, поврежденного в результате обстрела Степанакерта (6 ноября 2020). Карабах - Sputnik Արմենիա
Հարցվածների մեծամասնությունը կարծում է, որ Ղարաբաղում ռազմական հակամարտության ավարտից հետո Ռուսաստանի ազդեցությունն ուժեղացել է Հարավային Կովկասում:

ԵՐԵՎԱն, 27 նոյեմբերի – Sputnik. «Հասարակական կարծիք» հիմնադրամի անցկացրած հարցախույզը ցույց է տալիս, որ ռուսաստանցիների ճնշող մեծամասնությունը (91%) տեղյակ է կամ ինչ-որ բան լսել է Լեռնային Ղարաբաղում տեղի ունեցած ռազմական հակամարտության մասին, ընդ որում՝ 69%-ը կարծում է, որ իրավիճակը կարգավորվել է Ռուսաստանի ակտիվ մասնակցության շնորհիվ:

Президент РФ Владимир Путин во время совещания в режиме видеоконференции по вопросам по вопросам МЧС РФ (8 октября 2020). Ново-Огарево - Sputnik Արմենիա
Պուտինը Ղարաբաղում տեղակայված խաղաղապահների թեման քննարկել է ՌԴ ԱԽ–ի հետ

Ըստ ներկայացված տվյալների՝ հարցվածների 49 տոկոսը հայտնել է, որ տեղյակ է Լեռնային Ղարաբաղի հակամարտության մասին, իսկ 42 տոկոսը ինչ-որ բան լսել է։

Ընդ որում` նրանց 48%-ը, որոնք գիտեն կամ ինչ-որ բան լսել են հակամարտության մասին, պատասխանել են, որ տեղյակ են Ղարաբաղում ռազմական դիմակայության՝ վերջերս հայտարարված ավարտի մասին, 32%-ն էլ ասել է, որ լսել է այդ մասին։ 12%-ն ասել է, որ առաջին անգամ է լսում ռազմական գործողությունների ավարտի մասին։

Հարցման մասնակիցների 58 տոկոսը, որոնք գիտեն կամ ինչ-որ բան լսել են հակամարտության մասին, նշել են, որ երկրներից ոչ մեկին չի կարելի հաղթող համարել։ 14 տոկոսն էլ կարծում է, որ հաղթել է Ադրբեջանը, մինչդեռ Հայաստանին հաղթող է համարել հարցվածների միայն 1%-ը: Դժվարացել է պատասխանել 19%-ը։

Լեռնային Ղարաբաղի հակամարտությունը հաջողվել է կարգավորել Ռուսաստանի ակտիվ մասնակցության շնորհիվ, կարծում է հակամարտության մասին իմացող կամ ինչ-որ բան լսած քաղաքացիների 69%-ը, իսկ նրանց 12%-ը կարծում է, որ կարգավորման հարցում Ռուսաստանը վճռորոշ դեր չի խաղացել։ Դժվարացել են պատասխանել 10 տոկոսը։ Կեսից ավելին (57%) ռուս խաղաղապահների ներկայությանն ավելի շուտ դրական են վերաբերվում, 25%-ը՝ ավելի շուտ բացասաբար։ 1 տոկոսն էլ նշել է, որ իր համար միևնույնն է։

Официальный представитель Министерства иностранных дел России Мария Захарова - Sputnik Արմենիա
Առանց լուրջ միջադեպերի. Զախարովան ներկայացրել է իրավիճակը Ղարաբաղում  

Ընդհանուր առմամբ այդ ռազմական հակամարտության ավարտից հետո Ռուսաստանի ազդեցությունն Անդրկովկասում ավելի է ուժեղացել․ այս տեսակետն ունի հարցվածների 57 տոկոսը, որոնք գիտեն կամ լսել են բախման մասին, միայն 10 տոկոսն է կարծում, որ այն ավելի շուտ թուլացել է, դժվարացել է պատասխանել 24 տոկոսը:

Որպես փաստարկ, թե ինչու է Ռուսաստանի ազդեցությունն Անդրկովկասում ավելի շուտ ուժեղացել, հարցվողները բերել են այն փաստը, որ ՌԴ-ն կարողացել է կանգնեցնել ռազմական գործողությունները Հայաստանի և Ադրբեջանի միջև, կարգավորել հակամարտությունը, խաղաղապահների տեղակայման միջոցով կարող է ամրապնդել իր ներկայությունը տարածաշրջանում, ինչպես նաև այն փաստը, որ աճել է Ռուսաստանի հեղինակությունը միջազգային ասպարեզում:

Այն հարցվածները, որոնք կարծում են, որ Ռուսաստանի ազդեցությունը Անդրկովկասում ավելի շուտ թուլացել է, ասել են, որ Լեռնային Ղարաբաղում իրավիճակն առաջվա պես անկայուն է, ամրապնդվել է Թուրքիայի ներկայությունը տարածաշրջանում։

Համառուսական հեռախոսային հարցումն անցկացվել է նոյեմբերի 20-22–ը։ Մասնակցել են 1000 քաղաքացի։ Վիճակագրական սխալը չի գերազանցում 3,8%-ը։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала