«Շիզոֆրենիայի 2 տեսակով տառապում է». Բալայանը փորձաքննություն է պահանջում վարչապետի համար

© Sputnik / Asatur YesayantsБывший судья Конституционного суда Армении Ким Балаян объявил голодовку с требованием привлечь к ответственности премьер-министра (24 ноября 2020). Еревaн
Бывший судья Конституционного суда Армении Ким Балаян объявил голодовку с требованием привлечь к ответственности премьер-министра (24 ноября 2020). Еревaн - Sputnik Արմենիա
Բաժանորդագրվեք
НовостиTelegram
ՍԴ նախկին անդամ Կիմ Բալայանի խոսքով՝ ինքը նաև ՀՀ նախագահ Արմեն Սարգսյանին է դիմել, պահանջել է գործուն քայլեր անել։

ԵՐԵՎԱՆ, 28 նոյեմբերի – Sputnik․ Այսօր լրագրողական համայնքի մի քանի ներկայացուցիչներ այցեցին ՀՀ կառավարության մոտ վարչապետ Նիկոլ Փաշինյանի հրաժարականի պահանջով հացադուլ անողներին։

Объявивший голодовку Гегам Манукян на площади Республики (24 ноября 2020). Еревaн - Sputnik Արմենիա
Հացադուլին է միացել նաև զոհված զինծառայողի մայրը․ Գեղամ Մանուկյան

«ArmNews FM»-ի տնօրեն Լիկա Թումանյանն ու Ժուռնալիստների միության նախագահ Սաթիկ Սեյրանյանը հորդորեցին ՍԴ նախկին անդամ Կիմ Բալայանին դադարեցնել հացադուլը, խոստացան՝ աթոռը դատարկ չի մնա, իրենք պատրաստ են հերթով փոխարինել նրան։ Սակայն Բալայանն անդրդվելի մնաց։

«Եղբայրս իմ մասին ասում է. «Ես չեմ ընդունում իր այդ պայքարի ձևը, բայց եթե 73 տարեկան մարդն այս որոշումը կայացրել է, ես պետք է իր որոշումը հարգեմ»։ Ես չեմ եկել հացադուլին նստել` Նիկոլ Փաշինյանին հեռացնելու, եկել եմ ասելու, որ իրավապահ մարմինների ղեկավարները պարտավոր են իրենց ֆունկցիաները ճիշտ կատարել։ Այսօր իրենք պարտավոր էին քրեական գործ հարուցել սահմանադրական կարգը տապալելու համար։ Քրեական պատասխանատվության ենթարկել։ Պաշտոնական որևիցե արձագանք չկա»,- նշեց Բալայանը։

ՍԴ նախկին անդամ Կիմ Բալայանը որոշել է միանալ ՀՅԴ անդամների հացադուլին

Ասում է՝ գոնե ասեին, թե նյութեր են նախապատրաստում, ուսումնասիրում են։

Բալայանի խոսքով՝ ինքը նաև ՀՀ նախագահ Արմեն Սարգսյանին է դիմել, պահանջել է գործուն քայլեր անել։

«Պետք է նախագահը կազմակերպի միջազգային դատական հոգեբույժների հանձնաժողով և փորձաքննության ենթարկեն այս մարդուն։ Կասկած չկա, որ շիզոֆրենիայի երկու տեսակով տառապում է. մեկը մեծամոլական զառանցանքն է, մյուսը՝ հետապնդման մանիան։ Թող գան, փորձաքննության ենթարկեն»,- ասում է Կիմ Բալայանը։

Նա վստահ է, որ այս ազգը փրկելու այլ ճանապարհ չկա։

Նշենք, որ այսօր հացադուլ անող գործընկերոջը՝ Գեղամ Մանուկյանին և մյուսներին այցի են եկել հայաստանյան մի շարք լրատվամիջոցների խմբագիրներ, ղեկավարներ, նրանց թվում՝ «168 ժամի» խմբագիր, Ժուռնալիստների միության նախագահ Սաթիկ Սեյրանյանը, «5-րդ ալիք» հեռուստատեսության գործադիր տնօրեն Հարություն Հարությունյան, Armnews FM ռադիոկայանի տնօրեն Լիլիթ Թումանյանը, «Yerkir.am-ի խմբագիր Վահե Սարգսյանը և այլք։

Гегам Манукян - Sputnik Արմենիա
«Նիկոլը պետք է հեռանա». Գեղամ Մանուկյանը հացադուլ է հայտարարել

Սաթիկ Սեյրանյանն ասում է՝ իրականում գիտեն, որ Նիկոլ Փաշինյանը՝ իրենց նախկին գործընկերը, իրենց հետ հանդիպման չի գալու, չի էլ հիշելու, որ ինչ-որ ժամանակ ինքն էլ է լրագրող եկել, ընդվզել է ինչ-որ բաների դեմ, և լրագրողները կանգնել են իրենց գործընկերոջ կողքին, անգամ եթե ոչ միշտ են համաձայն եղել նրա գաղափարների հետ։

Լիկա Թումանյանն ավելացրեց՝ իրենք միանում են ոչ միայն Գեղամ Մանուկյանի պահանջին, որ Նիկոլ Փաշինյանը պետք է հրաժարական տա, այլև միանում են Կիմ Բալայանի պահանջին՝ մեղավորները պետք է քրեական պատասխանատվության ենթարկվեն։

Հիշեցնենք` կառավարության շենքի մոտ արդեն 5-րդ օրն է՝ Նիկոլ Փաշինյանի հրաժարականի պահանջով անժամկետ հացադուլ է անում ՀՅԴ անդամ Գեղամ Մանուկյանը։ Նրան են միացել նաև ՍԴ նախկին անդամ Կիմ Բալայանը, ևս մի քանի անձ։ Բժիշկները խորհուրդ են տվել Կիմ Բալայանին դադարեցնել հացադուլը, սակայն նա չի համաձայնում։

Հացադուլ հայտարարած Կիմ Բալայանի ճնշումը բարձրացել է. դեղ են նշանակել

Լրահոս
0