«Խնդրում եմ, սիրե՛ք միմյանց». երգիչ Արամեն հանդուրժողականության կոչ է անում

© Photo : Little Miss Armenia - RussiaЧлен жюри конкурса Little Miss Armenia - Russia, певец Арамэ
Член жюри конкурса Little Miss Armenia - Russia, певец Арамэ - Sputnik Արմենիա
Սիրված երգիչը վստահ է, որ սոցցանցերում տարածվող հայհոյանքով ատելությամբ ոչ մի հարց չի լուծվում:

ԵՐԵՎԱՆ, 30 նոյեմբերի – Sputnik. Ճանաչված երգիչ Արամեն Facebook-ի իր էջում մարդկանց` իրար սիրելու, փոխադարձ հարգելու կոչ է արել։
Նա ընդգծել է, որ այսօր մենք ապրում ենք դաժան ժամանակաշրջանում, անցնում ենք համաճարակի, պատերազմի, իսկ հիմա էլ ներքին պառակտման միջով։

Интервью Арусик Тигранян с актером Мкртичем Кебабчяном - Sputnik Արմենիա
«Տղերքի արյունը գոնե սրբի այս ատելությունը». անկեղծ զրույց առաջնագիծ մեկնած դերասանի հետ

«Ես՝ որպես հայազգի երգիչ, և մարդ, որ ժամանակին վերադարձել է Հայաստան ապրելու, արարելու և շենացնելու, ցանկանում եմ իմ խոսքն ասել. խնդրում եմ, սիրե՛ք միմյանց․․․Ստանալով ինչ-որ ինֆորմացիա մի՛ փորձեք միանգամից անցնել վիրավորանքի, եթե նույնիսկ համաձայն չեք դիմացինի արտահայտած մտքի հետ: Ես հասկանում եմ, որ նման կոչեր շատ են, բայց և կարծում եմ, որ կգտնվեն մարդիկ, որոնք իմ կոչը կլսեն»,–գրել է երգիչը:

Նրա խոսքով` համացանցում հայհոյանքը կարծես դարձել է պարտադիր պայման, բայց դա մեր ազգին չի սազում, դա մեզ պետք չէ, և ոչ մի հարց չի լուծվում այդ կեղտոտ արտահայտություններից:

«Մենք պետք է հզորանանք, չէ՞ որ մենք դեռ շատ անելիքներ ունենք։ Փա՛ռք մեր հերոս եղբայրներին, փա՛ռք մեր հայրենիքին, փա՛ռք մեր հայ ժողովրդին»,–եզրափակել է Արամեն։

Արցախցիների նկատմամբ ատելություն և թշնամանք հրահրող տեսանյութն ուղարկվել է ԱԱԾ

Նշենք, որ խնդրին անդրադարձել էին նաև Հայաստանի և Արցախի մարդու իրավունքի պաշտպանները։ Նրանք դատապարտել էին սոցցանցերում տարածվող ատելության և պառակտման արտահայտությունները, ինչպես նաև հայաստանցի–արցախցի տարանջատումը։

Նշենք, որ Sputnik Արմենիան անդրադարձել էր ֆեյքերի կողմից իրականացվող քարոզչությանը։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала