Սոթքի հանքը Ադրբեջանի հետ կիսելով` հայկական կողմը կունենա շատ լուրջ խնդիրներ

Բաժանորդագրվեք
«Ջի Փարթներս» իրավաբանական ընկերության տնօրեն Սարգիս Գրիգորյանը Sputnik Արմենիայի հետ զրույցում անդրադարձել է Սոթքի հանքում ստեղծված իրավիճակին և դրանից բխող իրավական լուրջ հետևանքներին։

Սոթքի ոսկու հանքի շուրջ խնդիրը մեր կառավարության հերթական ձախողումն է, քանի որ այն ի զորու չէ ապահովելու օտարերկրյա ներդրողների պաշտպանությունը Հայաստանում, փաստացի չի կարողանում բարենպաստ պայմաններ ապահովել արտասահմանյան ներդրումների իրականացման համար, ինչպես նաև պաշտպանել այդ ներդրողների շահերն ընդդեմ Ադրբեջանի։ Sputnik Արմենիայի հետ զրույցում այսպիսի տեսակետ հայտնեց «Ջի Փարթներս» իրավաբանական ընկերության տնօրեն Սարգիս Գրիգորյանը։

Пресс-конференция замначальника Генштаба ВС РА Тирана Хачатряна (26 ноября 2020). Еревaн - Sputnik Արմենիա
Անմիջապես Սոթքի հանքի մոտ հայկական կողմը դիրք ունի, Ադրբեջանն էլ արդեն 3 դիրք է տեղադրել

ՀՀ վարչապետ Նիկոլ Փաշինյանն ասել էր, որ սահմանը որոշվում է ոչ թե աչքաչափով, այլ GPS  սարքերով, իսկ այդ սահմանով Սոթքի հանքը կիսով չափ գտնվել է Խորհրդային Հայաստանի, կիսով չափ ՝ Ադրբեջանի  տարածքում, և հիմա ուզենք, թե չուզենք, սահմանազատումը պետք է տեղի ունենա ոչ միայն ռուս խաղաղապահների, այլև ադրբեջանցի ներկայացուցիչների մասնակցությամբ։

Սարգիս Գրիգորյանի տեղեկացմամբ`Սոթքի ոսկու հանքի շահագործման իրավունքն այս փուլում պատկանում է «Գեոպրոմայնինգ» ընկերությանը, որի միակ բաժնետերը «Ջի Փի ԷՄ–Արմենիա» ընկերությունն է։ Այն գրանցված է Նիդեռլանդներում` Եվրոպական Միությունում, և ՀՀ–ն չկարողացավ պաշտպանել այդ ընկերության ակտիվներն իր տարածքում, մինչդեռ հոլանդական ընկերությունը ներդրել է ոչ միայն հսկայական գումարներ, այլև նորագույն տեխնոլոգիաներ։ Ըստ Գրիգորյանի`այն, ինչ ներդրվել էր այդ հանքի շահագործման շրջանակներում, փաստացի անցնում է Ադրբեջանին` ի հայտ բերելով մի շարք իրավական խնդիրներ։       

Քարվաճառ մտնելուց հետո պահանջել են դուրս գալ Սոթքի հանքի տարածքից. ԳՇ պետի առաջին տեղակալ

Գրիգորյանը չի բացառում այն հեռանկարը, երբ ներդրողներն իրենց վնասի դիմաց միջազգային դատական ատյաններում ահռելի փոխհատուցման պահանջներ կներկայացնեն Հայաստանի դեմ` կնքված միջազգային համաձայնագրերի շրջանակում։ Ընդ որում` հնարավոր պահանջվելիք փոխհատուցման գումարը կարող է կազմել 3 մլրդ դոլարից մինչև 5 մլրդ դոլար, ինչը վճարվելու է Հայաստանի հարկատուների հաշվին։ 

Հիշեցնենք, որ մամուլում շրջանառվող տեղեկատվության համաձայն` ադրբեջանական զինվորները մտել են Սոթքի հանքավայր և աշխատակիցներին ժամանակ տվել դուրս գալու համար: Գեղամասար խոշորացված համայնքի (որտեղ ներառված է նաև Սոթքը) ղեկավար Հակոբ Ավետյանը Sputnik Արմենիայի հետ զրույցում հայտնել էր, որ ադրբեջանցիները Սոթքի հանքի տարածքում են` բանակցություններ են վարում։

Ադրբեջանցի զինծառայողները Սոթքի ոսկու հանքի մատույցներում են. տեսանյութ

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала