Արցախի և Հայաստանի պաշտպանության նախարարները հանդիպել ու հրատապ հարցեր են քննարկել

© Photo : official site of the MoD of RAМинистр обороны РА Вагаршак Арутюнян встретился с министром обороны НКР, командующим Армией обороны генерал-лейтенантом Микаелом Арзуманяном (3 декабря 2020). Степанакерт
Министр обороны РА Вагаршак Арутюнян встретился с министром обороны НКР, командующим Армией обороны генерал-лейтенантом Микаелом Арзуманяном (3 декабря 2020). Степанакерт - Sputnik Արմենիա
Բաժանորդագրվեք
Վաղարշակ Հարությունյանն այցելել է նաև Արցախի արտակարգ իրավիճակների պետական ծառայություն, զրուցել զոհվածների մարմինների որոնողական աշխատանքներում ներգրավված անձնակազմի հետ, նշել որոնողական խմբերի ավելացման անհրաժեշտությունը:

ԵՐԵՎԱՆ, 3 դեկտեմբերի - Sputnik. Արցախ կատարած աշխատանքային այցի շրջանակում ՀՀ պաշտպանության նախարար Վաղարշակ Հարությունյանը դեկտեմբերի 2-ին հանդիպել է ԱՀ պաշտպանության նախարար, ՊԲ հրամանատար, գեներալ-լեյտենանտ Միքայել Արզումանյանի հետ: Տեղեկությունը հայտնում է ՀՀ ապշտպանության նախարարության մամուլի ծառայությունը։

Պաշտպանության բանակի հրամանատարը ներկայացրել է արցախա-ադրբեջանական շփման գծում տիրող իրավիճակը, առաջնագծում իրականացվող աշխատանքները և նոր ենթակառուցվածքների ստեղծման ընթացքը:

© Photo : official site of the MoD of RAՎաղարշակ Հարությունյանն Արցախում
Արցախի և Հայաստանի պաշտպանության նախարարները հանդիպել ու հրատապ հարցեր են քննարկել - Sputnik Արմենիա
Վաղարշակ Հարությունյանն Արցախում

Արզումանյանն ընդգծել է, որ հետագա խնդիրների լիարժեք կատարման և Արցախի անվտանգության ապահովման համար ընթանում են զորքերի վերակազմակերպման և ստորաբաժանումների խնդիրների ու կառուցվածքի վերանայման աշխատանքներ:

ՀՀ պաշտպանության նախարարը կարևորել է Պաշտպանության բանակում իրականացվող լայնածավալ աշխատանքները, հավաստիացրել, որ ձեռնարկվելու են հնարավոր բոլոր գործողությունները հայկական երկու հանրապետությունների անվտանգային համակարգի վերափոխման և առավել ամրապնդման ուղղությամբ:

Министр обороны Армении Вагаршай Арутюнян встретился с командующим российскими миротворческими силами в Карабахе Рустамом Мурадовым (27 ноября 2020). Еревaн - Sputnik Արմենիա
ՀՀ պաշտպանության նախարարը գերիների վերադարձի հարցով խոսել է Ռուստամ Մուրադովի հետ

Անդրադարձ է կատարվել նաև ՌԴ խաղաղապահ զորախմբի հետ փոխգործակցությանը վերաբերող հարցերին:

ՀՀ պաշտպանության նախարարն այցելել է նաև Արցախի արտակարգ իրավիճակների պետական ծառայություն, զրուցել զոհվածների մարմինների որոնողական աշխատանքներում ներգրավված անձնակազմի հետ, նշել որոնողական խմբերի ավելացման անհրաժեշտությունը:

Ավելի ուշ ՀՀ պաշտպանության նախարարը ԱՀ նախագահի, ԱՀ ՊԲ հրամանատարի և ԱՀ ԱԻՊԾ ղեկավարի հետ մասնակցել է անհետ կորած և գերության մեջ հայտնված զինծառայողների հարազատների հետ հանդիպմանը:

Հարությունյանը հանդիպման ընթացքում նշել է, որ Հայաստանում ստեղծված միջգերատեսչական հանձնաժողովը շուրջօրյա բանակցություններ է վարում ադրբեջանական և ռուսական կողմերի, Կարմիր Խաչի միջազգային կոմիտեի ներկայացուցիչների հետ՝ որոնումների ինտենսիվությունը բարձրացնելու և որոնողական տարածքներն ընդլայնելու ուղղությամբ: Պաշտպանական գերատեսչության ղեկավարը նշել է նաև, որ պարբերաբար հեռախոսազրույցներ է ունենում ՌԴ իր պաշտոնակցի, Արցախում ՌԴ խաղաղապահ զորախմբի հրամանատարի հետ՝ քննարկումների առանցքում պահելով գերության մեջ հայտնվածների վերադարձի և զոհվածների մարմինների փոխանակման հարցը:

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала