«Տարածքը, որտեղ մենք  էինք, մնացել է Արցախի կազմում». գյումրեցի փրկարարները պարգևատրվեցին

© Sputnik / Armenuhi MkhoyanВ Ширакском отделении МЧС вручили медали проявившим себя спасателям, участвовавшим во время воины (3 декабря 2020). Гюмри
В Ширакском отделении МЧС вручили медали проявившим себя спасателям, участвовавшим во время воины (3 декабря 2020). Гюмри - Sputnik Արմենիա
Հայրենիքի պաշտպանությունն իրականացնելով ամենաբարդ տարածքներից մեկում, Շիրակի հրշեջ–փրկարարների ստորաբաժանումը կարողացել է իր առջև դրված խնդիրը պատվով կատարել:

ԵՐԵՎԱՆ, 3 դեկտեմբերի -Sputnik. ՀՀ Արտակարգ իրավիճակների նախարարի հրամանով` մարտական գործողություններին մասնակցելու և քաջություն ցուցաբերելու համար «Լավագույն հրշեջ-փրկարար», «Անձնվեր  փրկարար», «Կանխարգելում, օգնություն, փրկություն» մեդալներով այսօր պարգևատրվեցին Շիրակի մարզի փրկարարական ծառայություն տարբեր ջոկատների 12 հրշեջ-փրկարարներ:

© Sputnik / Armenuhi MkhoyanՀՀ Արտակարգ իրավիճակների նախարարի հրամանով պարգևատրվեցին Շիրակի մարզի փրկարարական ծառայություն տարբեր ջոկատների 12 հրշեջ-փրկարարներ
«Տարածքը, որտեղ մենք  էինք, մնացել է Արցախի կազմում». գյումրեցի փրկարարները պարգևատրվեցին - Sputnik Արմենիա
ՀՀ Արտակարգ իրավիճակների նախարարի հրամանով պարգևատրվեցին Շիրակի մարզի փրկարարական ծառայություն տարբեր ջոկատների 12 հրշեջ-փրկարարներ

«Զինվորական ծառայությունից հետո առաջին անգամ էի զենք վերցրել, զուգադիպությամբ այն նույն տարածքն էինք պաշտպանում, որտեղ անցել է ծառայությունս: Փրկարարի գործն էլ հայրենիքի պաշտպանի գործ է. կապ չունի` զենքով, թե հրդեհաշիջում անելով: Փրկարարի մասնագիտությունը սիրելով եմ ընտրել, բայց եթե չլինեի փրկարար, կզինվորագրվեի»,-Sputnik Արմենիայի հետ զրույցում ասաց Աշոցքի հրշեջ–փրկարարական ջոկատի վարորդ, ավագ սերժանտ Գևորգ Մխիթարյանը, որը պարգևատրվածների շարքում է:

© Sputnik / Armenuhi MkhoyanԱշոցքի հրշեջ–փրկարարական ջոկատի վարորդ, ավագ սերժանտ Գևորգ Մխիթարյան
«Տարածքը, որտեղ մենք  էինք, մնացել է Արցախի կազմում». գյումրեցի փրկարարները պարգևատրվեցին - Sputnik Արմենիա
Աշոցքի հրշեջ–փրկարարական ջոկատի վարորդ, ավագ սերժանտ Գևորգ Մխիթարյան

Շիրակի մարզային փրկարարական վարչությունում մարտական գործողություններին մասնակցած շիրակցի փրկարարներին մեդալները հանձնեց ՀՀ  ԱԻՆ փրկարար ծառայության տնօրենի տեղակալ, գնդապետ Հովհաննես Եմիշյանը, որը մի քանի օր առաջ ՀՀ արտակարգ իրավիճակների նախարար Անդրանիկ Փիլոյանի հրամանով արժանացել է  «Փառքի խաչ Նոյ» մեդալի:

Լիքը տունս ստիպված թուրքին եմ թողել. արցախցիները Գյումրուց գնում են, բայց չգիտեն` ուր

«Շիրակի մարզի հրշեջ– փրկարարաները մասնակցել են հայրենիքի պաշտպանությանը շատ բարդ տեղամասում:  Դա  եղել է այն տեղամասը, երբ մեր գնալու ժամանակ  արդեն ուժեր չկային: Կարողացանք  կայունացել վիճակն ու կանխել թշնամու հոսքը  Կարմիր Շուկայից դեպի Շուշի: Ստորաբաժանումն իր առջև դրված խնդիրը կատարել է և բարձր  է կատարել։ Ունենք արդյունք. այն տարածքը, որտեղ մենք  էինք, այսօր մնացել է Արցախի Հանրապետության կազմում»- նշեց գնդապետ Հովհաննես Եմիշյանը։ 

© Sputnik / Armenuhi MkhoyanՀՀ  ԱԻՆ փրկարար ծառայության տնօրենի տեղակալ, գնդապետ Հովհաննես Եմիշյանը մեդալներ է հանձնում մարտական գործողություններին մասնակցած շիրակցի փրկարարներին
«Տարածքը, որտեղ մենք  էինք, մնացել է Արցախի կազմում». գյումրեցի փրկարարները պարգևատրվեցին - Sputnik Արմենիա
ՀՀ  ԱԻՆ փրկարար ծառայության տնօրենի տեղակալ, գնդապետ Հովհաննես Եմիշյանը մեդալներ է հանձնում մարտական գործողություններին մասնակցած շիրակցի փրկարարներին

Փրկարարները վկայում են՝  պատերազմն ավելի մտերմացրեց իրենց, ավելի լավ զգացին զինակից ընկերոջ ուժն ու  նվիրվածությունը:

«Կամավոր ենք մեկնել։ 24 օր իմ ընկերների հետ կռվի դաշտում էի, այնտեղ ավելի ես հասկանում ու արժևորում ընկերոջդ ներկայությունը, երբ դժվար պահին քո կողքին զինակից ընկերդ է»,-նշեց Արթիկի հրշեջ – փրկարարական ջոկատի անդամ Սամվել Զորաբյանը, որը նախարարի հրամանով արժանացել է «Անվեհեր փրկարար» մեդալի:

© Sputnik / Armenuhi MkhoyanԱրթիկի հրշեջ – փրկարարական ջոկատի անդամ Սամվել Զորաբյանը, որը նախարարի հրամանով արժանացել է «Անվեհեր փրկարար» մեդալի
«Տարածքը, որտեղ մենք  էինք, մնացել է Արցախի կազմում». գյումրեցի փրկարարները պարգևատրվեցին - Sputnik Արմենիա
Արթիկի հրշեջ – փրկարարական ջոկատի անդամ Սամվել Զորաբյանը, որը նախարարի հրամանով արժանացել է «Անվեհեր փրկարար» մեդալի

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն` ռազմական գործողությունները դադարեցվեցին։ 

Ինչո՞ւ են ադրբեջանցիներն ուրախացել․ ռուսական խաղաղապահների հրամանատարի կենսագրությունը

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала