ԵՐԵՎԱՆ, 3 դեկտեմբերի – Sputnik. Վարչապետ Նիկոլ Փաշինյանի հրաժարականի պահանջով երևանյան փողոցները փակող ցուցարարներն այժմ էլ Ագաթանգեղոս–Արշակունյաց հատվածն են փակել։
Ոստիկանները բողոքի ակցիա անողներին 2 րոպե ժամանակ տվեցին, որպեսզի ազատեն ճանապարհի բանուկ հատվածը։ Նշված ժամանակահատվածից հետո ցուցարարներին սկսեցին բերման ենթարկել։
Անգամ ոստիկանական մեքենայի միջից բողոքի ակցիա անող երիտասարդները «Նիկոլ, դավաճան» են վանկարկում։
Բողոքի ակցիայի մասնակիցներից մեկը, երբ ոստիկանները բերման ենթարկելու համար գրկեցին նրան, ասաց. «Ծանր եմ, տղերք, գրիժա կստանաք»։
Այս պահին բողոքի ակցիա անողները շարժվում են դեպի Խանջյան փողոց` այն փակելու համար։
Նշենք, որ նոյեմբերի 9–ի եռակողմ հայտարարությունից հետո հայաստանյան ընդդիմադիր ուժերը պարբերաբար բողոքի ակցիաներ են իրականացնում` պահանջելով վարչապետ Նիկոլ Փաշինյանի հրաժարականը։
«Առանց Նիկոլ Հայաստան». Երևանում կրկին փողոցներ են փակել
Այսօր նրանք հայտարարեցին, որ ունեն անցումային կառավարության ղեկավարի միասնական թեկնածու, և նա Վազգեն Մանուկյանն է։
