ԵՊՀ դեկանները պահանջում են անհապաղ հետ կանչել վիճահարույց օրենքի նախագիծը

© Sputnik / Asatur YesayantsЕреванский государственный университет
Ереванский государственный университет - Sputnik Արմենիա
Բաժանորդագրվեք
НовостиTelegram
Այս օրենքով խախտվում են ուսանողների, դասախոսների, գիտության ոլորտի աշխատակիցների իրավունքներն ու օրինական շահերը

ԵՐԵՎԱՆ, 4 դեկտեմբերի - Sputnik. Երևանի պետական համալսարանի դեկաններն ու ստորաբաժանումների ղեկավարները պահանջում են Ազգային ժողովից հետ կանչել վիճահարույց օրենքի նախագիծը։ ԵՊՀ մամուլի ծառայությունը տեղեկացնում է, որ խոսքը վերաբերում է «Բարձրագույն կրթության և գիտության մասին» ՀՀ օրենքի նախագծին, որը որպես անհետաձգելի և չզեկուցվող հարց՝ ընդգրկվել էր կառավարության դեկտեմբերի 3-ի նիստի օրակարգում, հավանության արժանացել, ապա ուղարկվել ՀՀ Ազգային ժողով՝ հրատապության կարգով քննարկելու և ընդունելու առաջարկությամբ:

Памятник Месропу Маштоцу и Сааку Партеву перед зданием Ереванского государственного университета - Sputnik Արմենիա
ԵՊՀ գիտխորհուրդը պահանջում է վարչապետի ու կառավարության հրաժարականը. առաջարկ ունեն

ԵՊՀ-ից ուշադրություն են հրավիրում ևս մի հանգամանքի վրա նշելով, որ օրենքի նախագիծն «անհիմն ու անբացատրելի մոտեցմամբ» է ընդգրկվել կառավարության անհետաձգելի հարցերի շարքում։ Սա այն դեպքում, երբ եռակողմ` «Հայաստանի Հանրապետության համար խիստ անբարենպաստ հայտարարությունից հետո մեր երկրի առջև ծառացան անհապաղ լուծման ենթակա մի շարք հիմնախնդիրներ, ինչպիսիք են՝ հումանիտար աղետ, տասնյակ հազարավոր տեղահանվածներ, հարյուրավոր գերիներ և անհայտ կորածներ, ինչպես նաև սահմանների հետ կապված բազմաթիվ հարցեր»։

Պետական համալսարանը մանրամասնում է, թե այս պայմաններում ինչպիսի օրենքի նախագիծ է կառավարության սեղանին դրվել։

ԳԱԱ–ն պահանջում է Փաշինյանի հրաժարականը

«Խոսքը մի նախագծի մասին է, որը քննարկվել է ԵՊՀ գիտական խորհրդում ու տարբեր ստորաբաժանումներում և արժանացել բազմաթիվ էական դիտողությունների՝ հաշվի առնելով այն հանգամանքը, որ այն, հիմքում չունենալով ՀՀ-ում բարձրագույն կրթության և գիտության զարգացման հստակ հայեցակարգ, իր կարգավորումներով վտանգի տակ էր դնում բուհական ինքնավարությունը, ակադեմիական ազատությունը, հայագիտական առարկաների և հետազոտությունների գերակայությունը, գիտության կառավարումը, ՀՀ գիտությունների ազգային ակադեմիայի կարգավիճակն ու գոյությունն ընդհանրապես և բազմաթիվ այլ հարցեր»,- նշված է ԵՊՀ տարածած հաղորդագրության մեջ։

ԵՊՀ-ում վրդովված են, որովհետև իրենց մատնանշած դիտողություններից ոչ մեկը ոչ միայն հաշվի չի առնվել, այլև «վերջին պահին օրենքի նախագծում տեղ է գտել առավել վիճահարույց դրույթ՝ բուհերի կառավարիչների՝ ԿԳՄՍ նախարարի կողմից 5 տարուց ոչ ավել ժամկետով նշանակվելու վերաբերյալ»։

Ընդ որում՝ կառավարչի համար չի նախատեսվում բուհի ռեկտորի համար սահմանված ոչ մի պահանջ։

Пресс-конференция Михаила Саакашвили во Львове - Sputnik Արմենիա
Սաակաշվիլիին միաձայն զրկեցին ԵՊՀ պատվավոր դոկտորի կոչումից

«Դա իսպառ ոչնչացնում է ՀՀ Սահմանադրությամբ և տարբեր օրենքներով նախատեսված բուհական ինքնավարությունն ու ակադեմիական ազատությունները` դրանով իսկ խախտելով կրթության և գիտության հիմնական շահառուների` ուսանողների, պրոֆեսորադասախոսական անձնակազմի և գիտության ոլորտի աշխատակիցների իրավունքներն ու օրինական շահերը»,- պնդում են ԵՊՀ-ում։

Ուստի Երևանի պետական համալսարանի դեկաններն ու տարբեր ստորաբաժանումների պատասխանատուները պահանջում են հանրապետության գիտական և կրթական հանրության հետ միասին ձեռնարկել անհրաժեշտ միջոցներ՝ բարձրագույն կրթության և գիտության զարգացմանը նպաստող օրենքի նախագիծ պատրաստելու համար։

ԵՊՀ-ում նախազգուշացնում են՝ եթե օրենքի նախագիծը հետ չկանչվի, բարձրագույն կրթությանն ու գիտության զարգացմանը նպաստող նախագիծ չմշակվի, ապա իրենց իրավունք են վերապահում իրականացնելու Սահմանադրությամբ և օրենքներով չարգելված բոլոր գործողությունները նշված օրենքի ընդունումը և կիրարկումը կանխելու համար։

Լրահոս
0