Հայաստանի բնակչությունը հիմա պատրաստ չէ օդային տագնապի․ Արմեն Փամբուխչյան

© Photo : Areg Balayan / press office of the Government of RAБудни 8-летнего карабахца Миграна в Степанакерте
Будни 8-летнего карабахца Миграна в Степанакерте - Sputnik Արմենիա
Բաժանորդագրվեք
Նախարարի տեղակալի խոսքով՝ քաղաքացին առաջին հերթին պետք է իմանա, թե ինքը որտեղ է կցագրված, այսինքն՝ որտեղ է գտնվում իր ապաստարանը։ Համայնքն իր հերթին պիտի իրականացնի նկուղների մաքրումը, ապաստարանի նախապատրաստումը։

ԵՐԵՎԱՆ, 4 դեկտեմբերի - Sputnik. Արցախյան պատերազմը ցույց տվեց, որ Հայաստանում դեռևս ամենամեծ խնդիրը քաղաքացիական պաշտպանության կազմակերպումն է։ Այս մասին ասուլիսի ժամանակ հայտարարեց ՀՀ արտակարգ իրավիճակների նախարարի տեղակալ Արմեն Փամբուխչյանը։

Ստեփանակերտում հացի մատակարարման խնդիր չկա - Sputnik Արմենիա
Ստեփանակերտում հացը թխվում է անգամ օդային տագնապի ազդանշանի տակ. տեսանյութ

Նրա խոսքով՝ արտակարգ իրավիճակների նորանշանակ նախարարը ևս շատ մեծ տեղ է տալիս քաղպաշտպանությանը։

«Եթե օրինակ՝ Ստեփանակերտում, Արցախի մյուս քաղաքներում բնակիչները քաղպաշտպանության ոլորտում բավականին գիտելիքներ ունեն, ապա Հայաստանում տարիներ շարունակ այս հարցով եղել է բացթողում։ Շատերը չգիտեն ինչպես վարվել օդային տագնապի ժամանակ, որտեղ պատսպարվել»,-ասաց նա։

Փամբուխչյանի խոսքով՝ ԱԻՆ-ը իր ողջ ուժերն ուղղել է քաղպաշտպանությանը վերաբերվող հարցերի կարգավորմանը։ Ստեղծվում են ազդարարման մեխանիզմներ, կատարվում է շչակների համալրում, ինչպես նաև ամենակարևոր՝ ժամանակավոր ապաստարանների խնդիրն են փորձում լուծել։

«Եթե անկեղծ խոսենք, ապա Հայաստանի բնակչությունը հիմա պատրաստ չէ օդային տագնապին, այդ պատճառով տարվում են աշխատանքներ բացերը լրացնելու համար։ Նկուղները, որոնք պետք է ծառայեն ժամանակավոր ապաստարաններ, հիմնականում մասնավորեցվել են կամ ծառայել են որպես պահեստներ։ Այդ ուղղությամբ ևս աշխատանքներ են տարվում»,-ասաց նա։

Колл центр МЧС Армении - Sputnik Արմենիա
Խնդրում ենք չանհանգստանալ. Շենգավիթում փորձարկվում է ձայնային տագնապի համակարգը

Նախարարի տեղակալի խոսքով՝ առաջնահերթ քաղաքացին պետք է իմանա, թե ինքը որտեղ է կցագրված, այսինքն որտեղ է գտնվում իր ապաստարանը։ Համայնքն իր հերթին պիտի իրականացնի նկուղների մաքրումը, ապաստարանի նախապատրաստումը, իսկ ԱԻՆ-ի գործառույթն այս դեպքում պետք է լինի ստուգող, վերահսկող։

«Պատերազմի ողջ ընթացքում մենք ակտիվ աշխատել ենք համայնքների հետ, ունեինք ամենօրյա տվյալներ, թե այս կամ այն համայնքում քանի նկուղ է ստուգվել և ինչ վիճակում են գտնվում, որից հետո ԱԻՆ աշխատակիցները տեղում՝ հաշվետվության համաձայն, ստուգումներ էին իրականացնում։ Ստուգումները հիմա էլ շարունակվում են»,-ասաց նա։

Փամբուխչյանը չի բացառում, որ առաջիկայում սեփականաշնորհված նկուղների մասով իրավական լուծումներ կգտնեն համապատասխան գերատեսչությունների հետ։

Ձեռքի ուժ, մարզումներ. 8-ամյա Միհրանի կյանքը Ստեփանակերտի ապաստարանում. լուսանկարներ

Նա ընդգծեց, որ դպրոցներում և այլ ուսումնական հաստատություններում պետք է լինեն քաղպաշտպանության վերաբերյալ դասընթացներ։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала