Վարչապետի հրահանգով անցկացված «օպերացիան» դարձավ պատերազմի ամենամեծ ձախողումը. Քոչարյան

© Sputnik / Valeriy MelnikovЧасть ракеты после обстрела города Мартуни
Часть ракеты после обстрела города Мартуни - Sputnik Արմենիա
Բաժանորդագրվեք
НовостиTelegram
Ռոբերտ Քոչարյանը խոսեց Արցախյան վերջին պատերազմում մեզ ձախողում բերած գործողությունների մասին։

ԵՐԵՎԱՆ, 4 դեկտեմբերի - Sputnik. Արցախում մեր ճակատը հյուսիսում և հարավում չդիմացավ։ 5-րդ ալիքի հետ հարցազրույցում նման կարծիք հայտնեց ՀՀ երկրորդ նախագահ Ռոբերտ Քոչարյանը։ Նրա խոսքով` հյուսիսում հաջողվեց կանգնեցնել թշնամուն և նոր բնագիծ կառուցել, իսկ հարավում՝ ընդամենը 14 կմ-ի վրա մենք հենց առաջին օրը չդիմացանք ու հետ քաշվեցինք։

Роберт Кочарян наблюдает за выступлением адвоката Севака Торосяна на судебном заседании по делу 1 марта (14 июня 2019). Еревaн - Sputnik Արմենիա
«Մենք կարող էինք ճիշտ որոշման արդյունքում լիարժեք փակել օդը». Ռոբերտ Քոչարյան

«Այդ տասնչորս կիլոմետրով ադրբեջանցիները զարգացրին իրենց գրոհը, ճյուղավորվեցին դեպի Ջաբրայիլ, Հադրութ և այլն և ուղիղ դեպի Խուդաֆերին, Կուբաթլու,  Զանգելան, և այդ ամբողջ ընթացքում մենք չկարողացանք նոր բնագիծ ձևավորել։ Ինչո՞ւ։  Որովհետև փորձել են ռազմական մի օպերացիա իրականացնել, որը շատ կասկածելի էր այն ժամանակ մի շարք զինվորականների համար»,- նշեց նախագահն ու հայտարարեց, որ այդ գործողությունն արվում էր անմիջապես վարչապետի հրահանգով։

Նրա խոսքով՝ դա եղել է այս պատերազմի ժամանակ հայկական ուժերի ամենամեծ ձախողումը։ Դրա պատճառով ջախջախվեց հարավում բանակային մի կորպուս և Ստեփանակերտի գունդը։

«Դրանից հետո բավարար մարտունակ ստորաբաժանումներ չունեցանք նոր բնագիծ կառուցելու համար»,- ասաց նախագահը, մինչդեռ փորձառու զինվորականներից շատերը պնդում էին, որ նոր բնագիծ է պետք կառուցել ու պաշտպանվել։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն` ռազմական գործողությունները դադարեցվեցին։

Տավուշում մեր կողմից հրահրած սահմանային կոնֆլիկտն այս պատերազմի պատճառներից է. Քոչարյան

Համացանցում լուր տարածվեց, որ հայկական կողմն ունի 4750 զոհ ու անհետ կորած։ Հայաստանի առողջապահության նախարարության դատաբժշկական ծառայությունը փորձաքննել է 2718 զոհված զինծառայողի մարմին:

Դեկտեմբերի 2-ի տվյալներով՝ Արցախի ՊԲ-ն հրապարակել է 1746 զոհվածների անունները։

Վերջին տվյալներով` քաղաքացիական անձանց շրջանում կա 50 զոհ ու 148 վիրավոր։

Ինչո՞ւ են ադրբեջանցիներն ուրախացել․ ռուսական խաղաղապահների հրամանատարի կենսագրությունը

Լրահոս
0