«Ավրորայի» դափնեկիրը Հայաստանում է. նա կայցելի Արցախ, կտեսակցի վիրավոր զինվորների հետ

© Sputnik / Asatur YesayantsСоучредитель организации Luftbrücke Irak Мирза Диннайи на встрече героев "Авроры" с жителями столицы (17 октября 2019). Еревaн
Соучредитель организации Luftbrücke Irak Мирза Диннайи на встрече героев Авроры с жителями столицы (17 октября 2019). Еревaн - Sputnik Արմենիա
Բաժանորդագրվեք
НовостиTelegram
Դեկտեմբերի 9-ին Միրզա Դինային կայցելի Արցախ՝ հանդիպելու տեղի ներկայացուցիչներին և պատերազմից տուժած մարդկանց։

ԵՐԵՎԱՆ, 7 դեկտեմբերի - Sputnik. «Ավրորա» մարդասիրական նախաձեռնությունը հայտնում է, որ եզդի ակտիվիստ, 2019 թ. «Ավրորա» մրցանակի դափնեկիր եւ «Լյուֆթբրյուքե Իրաք» («Օդային կամուրջ Իրաք») կազմակերպության համահիմնադիր և տնօրեն Միրզա Դինային ժամանել է Երևան:
Նա Հայաստանում կլինի մինչև դեկտեմբերի 11-ը, այցի շրջանակներում կայցելի նաև Արցախ։ Մինչ այդ կլինի «Էրեբունի» և «Հերացի» հիվանդանոցներում՝ հանդիպելու Լեռնային Ղարաբաղի դեմ սանձազերծված պատերազմում վիրավորվածներին:

Рубен Варданян на выставке Это моя история: истории Авроры Мардиганян и других женщин, вдохновляющих мир (16 октября 2019). Еревaн - Sputnik Արմենիա
«Ավրորան» միջազգային դրամահավաք է հայտարարում Արցախի բնակչության համար

«Ցավալի է տեսնել, թե հայերը՝ այս խիզախ ու հինավուրց ժողովուրդը, ինչի միջով են ստիպված եղել անցնել և դեռ շարունակում են անցնել: Մեր ազգերն այնքան ընդհանրություններ ունեն, այդ իսկ պատճառով այստեղ լինելն ինձ առանձնահատուկ ուրախություն է պարգևում»,–ասել է Դինային։

Դեկտեմբերի 8-ին տեղի եզդիական համայնքի ներկայացուցիչների հետ հանդիպելուց հետո Միրզա Դինային կմասնակցի «Ավրորայի» և «Հայփոստի» համագործակցության արդյունքում թողարկված միջազգային նոր նամականիշի մարման հատուկ արարողությանը:

Դեկտեմբերի 9-ին Դինային կայցելի Արցախ՝ հանդիպելու տեղի ներկայացուցիչներին և պատերազմից տուժած մարդկանց: Այս այցն իրականացվում է «Ավրորայի»՝ մարդասիրության ոլորտի առաջատարներին Արցախ հրավիրելու նախաձեռնության շրջանակում։

Հենվելով զինված հակամարտությունների հետևանքների հաղթահարման իր հսկայական փորձի վրա՝ Միրզա Դինային հնարավորություն կունենա ծանոթանալու «Ավրորայի» աջակցությամբ իրականացվող, արցախցիներին ուղղված 20 նախագծերից որոշներին և հանդիպելու անմիջական շահառուների հետ:

Աչքերում ցավ է ու հույս․ «Ավրորայի» մրցանակակիր Միրզա Դինային կշարունակի փրկել աշխարհը

Միրզա Դինային 2019թ. «Ավրորա» մրցանակի դափնեկիր է ճանաչվել «Ավրորա» ֆորումի շրջանակում Երևանում տեղի ունեցած հանդիսավոր արարողության ընթացքում։ Մարդասիրական մղումներից ելնելով՝ Միրզա Դինային, հաղթահարելով բյուրոկրատական և ճանապարհային բազմաթիվ խոչընդոտներ, Սիրիայում և Իրաքում ծավալվող բազմաթիվ հակամարտությունների ընթացքում կարողացել է օգնել եզդի համայնքի ամենախոցելի անդամներին։

Լրահոս
0