Երկրաշարժի զոհերի հիշատակը ոգեկոչում ենք` ևս մեկ ցավ ունենալով մեր հոգում. ՀՀ նախագահ

© Sputnik / Armenuhi MkhoyanДень памяти жертв Спитакского землетрясения (7 декабря 2019). Гюмри
День памяти жертв Спитакского землетрясения (7 декабря 2019). Гюмри - Sputnik Արմենիա
Բաժանորդագրվեք
НовостиTelegram
Արմեն Սարգսյանը երկրաշարժի զոհերի հիշատակին նվիրված իր ուղերձում նշել է, որ երկրաշարժի, պատերազմի հետևանքներին ու պատճառված ցավին այս օրերին ավելացել է նաև ներքաղաքական անհանգիստ վիճակը։

ԵՐԵՎԱՆ, 7 դեկտեմբերի – Sputnik. 32 տարի առաջ ավերիչ երկրաշարժին զոհ գնացած բազմահազար հայրենակիցների հիշատակն այս տարի ոգեկոչում ենք` ևս մեկ ցավ ունենալով մեր հոգում։ 1988թ․երկրաշարժի զոհերի հիշատակի օրվա կապակցությամբ իր ուղերձում ասել է ՀՀ նախագահ Արմեն Սարգսյանը։

Времянка семьи Алексанян - Sputnik Արմենիա
Երկրաշարժից հետո անօթևան մնացածների համար դեռ տներ են կառուցվում. ծրագրի վերջին փուլն է

«Ադրբեջանի և Թուրքիայի կողմից Արցախի դեմ սանձազերծած պատերազմի հետևանքով ունենք մեծաթիվ մարդկային կորուստներ, կորցրել ենք նաև Արցախի տարածքի մի մասը։ Ի հետևանք՝ երկրում առկա է բազմաշերտ ճգնաժամ՝ բարոյահոգեբանականից, առողջապահականից մինչև սոցիալ-տնտեսական։ Նույնիսկ այս վիճակում իրավունք չունենք հուսահատվել։ Պետք է ամեն ինչ անենք, որ ապաքինվեն երկրաշարժի վերքերը, ավելի շատ ջանք ու եռանդ ուղղենք մեր քաղաքների ու գյուղերի վերականգնմանն ու զարգացմանը»,-ասել է նախագահն իր ուղերձում։

Նրա խոսքով` երկրաշարժի ու այսօրվա պատերազմի հետևանքներին ու պատճառված ցավին այս օրերին ավելացել է նաև ներքաղաքական անհանգիստ վիճակը։ Սարգսյանը կարծում է, որ մեր փրկությունն ազգային համաձայնությունն ու միասնականությունն են, ինչի շնորհիվ էր, որ կարողացանք հառնել 1988-ի երկրաշարժի ավերակներից և այսօր էլ պարտավոր ենք համախմբված դուրս գալ ստեղծված իրավիճակից։ Հանուն մեր հերոսների, որ նահատակվել են վերջին պատերազմում, հանուն մեր այն հայրենակիցների, որ զոհ գնացին 1988-ի երկրաշարժին։

Նիկոլ Փաշինյանը Գյումրիում է. նա այցելել է Սուրբ Ամենափրկիչ եկեղեցի. լուսանկարներ

Հիշեցնենք, որ միայն պաշտոնական տվյալներով՝ երկրաշարժի հետևանքով զոհվել է 25 հազար մարդ, 140 հազարը հաշմանդամ է դարձել, ավելի քան 500 հազարը զրկվել է տնից։

Լրահոս
0