Երկրաշարժից հետո անօթևան մնացածների համար դեռ տներ են կառուցվում. ծրագրի վերջին փուլն է

© Sputnik / Armenuhi MkhoyanԺամանակավոր կացարան Գյումրիում
Ժամանակավոր կացարան Գյումրիում - Sputnik Արմենիա
Բաժանորդագրվեք
Այս տարի անօթևանների համար տներ կառուցելու համար հատկացվել էր 3 մլրդ դրամ ` վերջին փուլի 229 ընտանիքներին բնակարանով ապահովելու նպատակով։

ԵՐԵՎԱՆ, 7 դեկտեմբերի – Sputnik. Սպիտակի ավերիչ երկրաշարժի հետևանքով անօթևան մնացածների բնակապահովման ծրագիրը մոտենում է ավարտին, հիմա ծրագրի շահառու ճանաչված վերջին` 229 ընտանիքների համար տներ են կառուցվում գյուղական համայնքներում։ Այսօր` 1988 թվականի դեկտեմբերի 7-ի ավերիչ երկրաշարժի 32-րդ տարելից օրը, ասուլիսի ժամանակ հայտնեց ՀՀ քաղաքաշինության կոմիտեի Բնակարանային ֆոնդի կառավարման և կոմունալ ենթակառուցվածքների վարչության պետ Տանյա Արզումանյանը։

Սպիտակի երկրաշարժի մասշտաբները - Sputnik Արմենիա
Սպիտակի ավերիչ երկրաշարժը թվերով

«Դեռ 2008-ին մեկնարկած ծրագրի շահառու են ճանաչվել 5406 ընտանիք` Լոռու, Շիրակի և Արագածոտնի մարզերից։ 2020-ին աշխատանքներ կատարելու համար 3 մլրդ դրամ էր հատկացվել վերջին փուլի 229 ընտանիքներին բնակարանով ապահովելու նպատակով։ Կառուցապատման աշխատանքները մեկնարկել են տարեսկզբին։ Այժմ էլ աշխատանքներն ընթանում են»,–ասաց Արզումանյանը։

Նրա խոսքով` կորոնավիրուսով կամ պատերազմական իրավիճակով պայմանավորված` այս ծրագրի ֆինանսական նվազեցումներ չեն եղել։

Արզումանյանը հայտնեց` միայն վերոհիշյալ ծրագրով բնակապահովման խնդրի լուծմամբ երկրաշարժից տուժած համայնքները չենք կարող համարել երկրաշարժի հետևանքները թոթափած համայնքներ։ Անհրաժեշտ են նաև տնտեսական և սոցիալական այլ ծրագրեր, ինչի մասին են փաստում տուժած համայնքներում տեղադրված բազմաթիվ տնակները, կիսակառույցները։

Արզումանյանը խոսքով` 2018-ի տարեվերջին ոչ հիմնական շինությունների փաստագրման աշխատանքներ են իրականացվել, որի շրջանակներում ավելի քան 7000 շինություն է փաստագրվել, ինչպես նաև այնտեղ ապրողների մասին տեղեկություններ են հավաքագրվել։ Ուսումնասիրությունները ցույց են տվել, որ այդ մարդկանց շրջանում կան ինչպես անօթևաններ, այնպես էլ երկրորդային պատճառներով անօթևանի կարգավիճակում հայտնված մարդիկ։

Анна Унупоглян с матерью и сестрами - Sputnik Արմենիա
Ինչպես երկրաշարժը փչացրեց 9–ամյա աղջկա ծննդյան տոնը, կամ երբ կյանքը հաղթում է մահին

Վարչապետի հանձնարարականով անելիքների ճանապարհային քարտեզ է մշակվել, որը հաստատվելուց հետո արդեն կյանքի կկոչվի։

Խաղաղություն «ժանտախտի ժամանակ», կամ ղազախ փրկարարի հուշերը Սպիտակի երկրաշարժից և հայերից

Արզումանյանը տեղեկացրեց նաև, որ երբ բնակչին բնակարան է տրամադրվում, ապա «դոմիկները» լքելու պայման է դրվում։ Լինում են դեպքեր, երբ բնակիչները դժգոհում են` ասելով, թե որպես մառան կարող են այն օգտագործել, սակայն պայմանը մնում է պայման։

Հիշեցնենք, որ միայն պաշտոնական տվյալներով՝ երկրաշարժի հետևանքով զոհվել է 25 հազար մարդ, 140 հազարը հաշմանդամ է դարձել, ավելի քան 500 հազարը զրկվել է տնից։

Նիկոլ Փաշինյանը Գյումրիում է. նա այցելել է Սուրբ Ամենափրկիչ եկեղեցի. լուսանկարներ

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала