Արամ Խաչատրյանը հրաժարվում է պատգամավորի մանդատից. նա էլ է «Իմ քայլը» խմբակցությունից

© Sputnik / Asatur Yesayants / Зал заседаний НС Армении перед выборами (1 мая 2018). Еревaн
Зал заседаний НС Армении перед выборами (1 мая 2018). Еревaн - Sputnik Արմենիա
Բաժանորդագրվեք
НовостиTelegram
Սոցցանցերում տեղեկություն է տարածվում, որ 2018-ին Լոռու մարզպետի տեղակալ աշխատած Խաչատրյանը շուտով նշանակվելու է Լոռու մարզպետ՝ փոխարինելով ներկայիս մարզպետ Անդրեյ Ղուկասյանին:

ԵՐԵՎԱՆ, 8 դեկտեմբերի - Sputnik. Ազգային ժողովի «Իմ քայլը» խմբակցության պատգամավոր Արամ Խաչատրյանը հրաժարվել է մանդատից։ Տեղեկությունը հայտնում է ԱԺ մամուլի ծառայությունը` ներկայացնելով ԱԺ նախագահի պարտականությունները կատարող Լենա Նազարյանի հայտարարությունը։

««Ազգային ժողովի կանոնակարգ» սահմանադրական օրենքի 155-րդ հոդվածի 1-ին մասի համաձայն` Հայաստանի Հանրապետության Ազգային ժողովի պատգամավոր Արամ Խաչատրյանը դեկտեմբերի 8-ին հրաժարականի դիմում է ներկայացրել»,– նշված է Նազարյանի հայտարարության մեջ:

© Photo : Facebook / Արամ ԽաչատրյանԱրամ Խաչատրյան
Արամ Խաչատրյանը հրաժարվում է պատգամավորի մանդատից. նա էլ է «Իմ քայլը» խմբակցությունից - Sputnik Արմենիա
Արամ Խաչատրյան

Հիշեցնենք` եթե հրաժարականի հրապարակումից հետո պատգամավորը մեկ շաբաթվա ընթացքում գրավոր դիմումով հետ է վերցնում իր դիմումը, ապա Ազգային ժողովի նախագահն այդ մասին հանդես է գալիս հայտարարությամբ, եթե հետ չի վերցնում, ապա նրա լիազորությունների դադարման մասին կազմվում է արձանագրություն: Արձանագրության հրապարակման պահից հրաժարականը համարվում է ընդունված:

Депутат от фракции Мой Шаг Вараздат Карапетян на заседании Парламента (18 января 2019). Еревaн - Sputnik Արմենիա
«Իմ քայլի» պատգամավոր Վարազդատ Կարապետյանը հրաժարվել է մանդատից

Նշենք, որ սոցցանցերում տարածվող տեղեկության համաձայն` 2018-ին Լոռու մարզպետի տեղակալ աշխատած Խաչատրյանը շուտով նշանակվելու է Լոռու մարզպետ՝ փոխարինելով ներկայիս մարզպետ Անդրեյ Ղուկասյանին:

Արամ Խաչատրյանը ծնվել է Վանաձորում, 1999-2009 թվականներին աշխատել զինված ուժերում։ 2010-2018 թվականներին եղել է Լոռու մարզի Վահագնաձոր համայնքի հիմնական դպրոցի նախնական զինվորական պատրաստության ուսուցիչ, 2012-2016–ը` Վանաձորի ավագանու անդամ, 2018–ին` Լոռու մարզպետի տեղակալ:

2018–ի դեկտեմբերի 9-ին ԱԺ պատգամավոր է ընտրվել «Իմ քայլը» կուսակցությունների դաշինքի թիվ 9 ընտրատարածքի տարածքային ընտրական ցուցակով:

Հիշեցնենք` մանդատից հրաժարվելու որոշման մասին նոյեմբերի 16–ին հայտնել էին նաև «Իմ քայլի» պատգամավորներ Գայանե Աբրահամյանն ու Լուսինե Բադալյանը։ Վերջինս, սակայն, ավելի ուշ հայտարարեց, որ դեռ մանդատը վայր չի դնում, որովհետև անելիքներ կան։

Իսկ «Իմ քայլի» պատգամավոր Թագուհի Թովմասյանը հայտարարեց, որ դուրս է գալիս իշխող խմբակցությունից: 

ԱԺ «Իմ քայլը» խմբակցության պատգամավոր Գոռ Գևորգյանն էլ դեկտեմբերի 1-ին հայտարարեց, որ դուրս է գալիս խմբակցությունից և ԱԺ–ում իր գործունեությունը կշարունակի որպես անկախ պատգամավոր։ Դեկտեմբերի 4-ին մանդատից հրաժարվեց Արգիշտի Մեխակյանը։ 

Դեկտեմբերի 4-ին մանդատից հրաժարվելու մասին հայտարարեց նաև «Իմ քայլը» խմբակցության պատգամավոր Արգիշտի Մեխակյանը։

Լրահոս
0