Պլանավորել են պարալիզացնել Հայաստանն ու հատկապես Երևանը. «Ժողովուրդ»

© Sputnik / Asatur YesayantsСитуация у здания Матенадарана на проспекте Маштоца (12 ноября 2020). Еревaн
Ситуация у здания Матенадарана на проспекте Маштоца (12 ноября 2020). Еревaн - Sputnik Արմենիա
Բաժանորդագրվեք
Yandex newsTelegram
Թերթի տեղեկություններով` ընդդիմադիրները հիմնական պլան ունեն, բայց նրանք նաև մեխանիզմներ են փնտրում իշխանությունների վրա ազդելու համար։

ԵՐԵՎԱՆ, 8 դեկտեմբերի – Sputnik. Արտախորհրդարանական ուժերը համոզված են, որ այսօր ՀՀ վարչապետ Նիկոլ Փաշինյանը մինչև 12.00-ն հրաժարական չի ներկայացնելու, ուստի 16 կուսակցությունները պլանավորել են վարչապետին տրված վերջնաժամկետից հետո սկսել անհնազանդության ակցիաները: Տեղեկությունը հայտնում է «Ժողովուրդ» օրաթերթը:

Настоятель монастыря Дадиванк иерей Ованнес Ованнисян на митинге с требованием отставки премьер-министра (5 декабря 2020). Еревaн - Sputnik Արմենիա
«Նիկոլ, հեռացի՛ր». Երևանում կազմակերպված համապետական հանրահավաքի ամենավառ կադրերը

«Նրանք պլանավորել են «պարալիզացնել» Հայաստանն իր մարզերով և հատկապես Երևան քաղաքը: Այսինքն` իրենց նշած ժամից հետո ընդդիմությունը փակելու է Երևանի և տարբեր մարզերի փողոցները, կաթվածահար է անելու երթևեկությունը»,– գրում է թերթը։

Պարբերականի տեղեկություններով` ընդդիմության հիմնական պլանը դեռևս սա է։ Բայց նրանք նաև մեխանիզմներ են փնտրում իշխանությունների վրա ազդելու և վարչապետի և կառավարության հրաժարականին հասնելու համար։

Հիշեցնենք` ընդդիմադիր կուսակցությունները դեկտեմբերի 5-ի հանրահավաքում Նիկոլ Փաշինյանին վարչապետի պաշտոնից հրաժարվելու համար մինչև դեկտեմբերի 8-ը, ժամը 12։00-ն ժամանակ տվեցին։ Նրանք հայտարարեցին, որ հակառակ դեպքում անհնազանդության համաժողովրդական ակցիաներ են սկսվելու։

Իշխանության հրաժարականից հետո ընդդիմությունը մտադիր է 1 տարով ժամանակավոր կառավարության ձևավորել, որի անդամները դեռ չեն ներկայացվել հանրությանը, բայց այն ղեկավարելու է ՀՀ նախկին վարչապետ, պաշտպանության նախկին նախարար, Հանրային խորհրդի նախկին նախագահ Վազգեն Մանուկյանը։

Լրահոս
0