Фон для радио  - Sputnik Արմենիա
ՌԱԴԻՈ

Եթե արժանի հակահարված չլինի, Սյունիքի կորուստը կլինի մոտ ապագայի հարց. Գեղամյան

© Sputnik / Andranik GhazaryanВаружан Гегамян
Варужан Гегамян - Sputnik Արմենիա
Թուրքագետ Վարուժան Գեղամյանը Sputnik Արմենիայի եթերում անդրադարձել է Բաքվում կայացած զորահանդեսին ու այնտեղ հնչած ելույթներին։ 
Գեղամյան. «Սյունիքի կորուստը կլինի կարճ ապագայի հարց, եթե մեր կողմից չլինի աժանի հակահարված»

Վարուժան Գեղամյանի դիտարկմամբ`դա ադրբեջանցիներին բնորոշ միջոցառում է, որը խորհրդանշում է հաղթած կողմի ձեռքբերումները, որոնք մատուցվում են սեփական ժողովրդին, և ցավալիորեն պետք է արձանագրել, որ պարտված կողմերը երկու հայկական պետություններն են։

Президент Турции Реджеп Тайип Эрдоган и президент Азербайджана Ильхам Алиев (справа) на саммите НАТО в Брюсселе (11 июля 2018). - Sputnik Արմենիա
«Անթույլատրելի է անպատասխան թողնել». Սաֆրաստյանը` Ալիևի հայտարարությունների մասին

Այդուհանդերձ թուրքագետը չի կարծում, որ արտառոց ինչ–որ բան կա այդ զորահանդեսում։ Նա պարզապես նշեց, որ մեր հասարակության մի մասը դեռ շարունակում է չընկալել, որ Արցախի մոտ 80 տոկոսն արդեն կորսված է, այժմ վտանգված է ոչ միայն Արցախի, այլև ամբողջ Հայաստանի հետագա գոյությունը։ 

«Ադրբեջանում դեռ պնդում են, որ Հայաստանի տարածքը նույնպես համարվում է ադրբեջանական հող, ուստի այն, ինչ եղավ Արցախի պարագայում, կարող է ուղղվել նաև Հայաստանի դեմ։ 1994 թվականից ի վեր Ադրբեջանն ամենօրյա ռեժիմով պնդում էր, որ ամեն ինչ անելու է Արցախը վերադարձնելու համար, պատրաստվեց ու բարեհաջող իրականացրեց, այդ թվում նաև մեր կողմի ապաշնորհ մոտեցումների արդյունքում, և հիմա Ադրբեջանն ու Թուրքիան բացահայտ խոսում են Սյունիքի մասին»,– նշեց թուրքագետը։

Անգամ 1 մետր հող չի զիջվել. Սյունիքի փոխմարզպետը հերքում է Արավուսի մասին տարածված լուրը

Գեղամյանի գնահատմամբ` առնվազն պետք է լինել անզգամ ու չտրամաբանող մարդ, որպեսզի չհասկանալ, որ նրանք այդ ուղղությամբ կատարելու են քայլեր։ Արդեն իրականացնում են նախապատրաստական աշխատանք թե՛ տեղեկատվական, թե՛ դիվանագիտական, թե՛ բուն ռազմական դաշտում, հետևաբար եթե հայկական կողմից չլինի արժանի հակահարված, ապա Սյունիքի կորուստը կարող է լինել շատ մոտ ապագայի հարց։    

Թուրքագետի խոսքով` հայկական կողմը վերջին 40 օրերին ամեն ինչ պետք է աներ, որպեսզի բանը չհասներ այս իրավիճակին, և հիմա էլ պետք է բարձրաձայնի առկա խնդիրներն ու ակտիվորեն գործի։ Այդուհանդերձ Գեղամյանի համոզմամբ` Հայաստանի ներկայիս կառավարությունն անունակ է որևէ արդյունավետ քայլ իրականացնել։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала