ԵՐԵՎԱՆ, 11 դեկտեմբերի – Sputnik. Հատուկ քննչական ծառայությունը տեղեկացնում է, որ «Մեկ Հայաստան» կուսակցության ղեկավար Արթուր Ղազինյանի այսօր արած հայտարարությունը, թե ՀՔԾ–ն քրգործ է հարուցել ՀՀ վարչապետ Նիկոլ Փաշինյանի դեմ, բացահայտ ապատեղեկատվություն է։
11 դեկտեմբերի 2020, 13:16
Արթուր Ղազինյանն այսօր Facebook- ի էջում գրել էր, որ ՀՔԾ–ն քրեական գործ է հարուցել Նիկոլ Փաշինյանի և մի խումբ այլ բարձրաստիճան անձանց նկատմամբ:
«Գրառման հեղինակին հորդորում ենք զերծ մնալ ստահոդ, կեղծ լուրեր տարածելուց ու հանրությանը միտումնավոր տեղեկատվական մանիպուլյացիաների ենթարկելուց»,–նշված է ՀՔԾ հաղորդագրության մեջ։
Հիշեցնենք, որ ըստ Ղազինյանի` սպասվում են աղմկոտ ձերբակալություններ, որոնց մասին նա խոստացել էր խոսել այսօր` ժամը 16։00-ին, ֆեյսբուքյան ուղիղ եթերով։
