«Կովկաս» ինստիտուտի վերլուծաբան Հրանտ Միքայելյանի դիտարկմամբ` երկրում խորանում է քաղաքական ճգնաժամը, և այն հաղթահարելու ուղիները, որոնք առաջարկում են տարբեր կողմերը, դեռ համընդհանուր աջակցության չեն արժանացել, ու քանի որ ուժերի հաշվեկշիռը որոշակիորեն պահպանվում է, ներքաղաքական ճգնաժամն էլ շարունակվում է ու հանգուցալուծումը դեռ չի երևում։
«Աշխարհում եղել են դեպքեր, երբ նման իրավիճակները լարված մնացել են տարիներ շարունակ։ Մեր պարագայում նույնպես չէի պատրաստվի կարճաժամկետ լուծման, որովհետև կա ճգնաժամի շարունակման իրական վտանգ։ Եթե ընդդիմադիր շարժումը տապալվի, ապա, ինչպես նշեց Վազգեն Մաուկյանը, փաքրաթիվ ու անկանոն խմբերը կսկսեն ավելի ակտիվ գործել։ Եթե անգամ ընդդիմությունը ձախողի, դա չի նշանակում, որ Փաշինյանի իշխանությունը կլեգիտիմիզացվի։ Անկայունությունը կշարունակվի և կարող է դրսևորվել բոլորովին այլ կերպ»,– նշեց վերլուծաբանը։
Միքայելյանը հիշեցրեց Ադրբեջանի նախագահ Իլհամ Ալիևի խոսքը, որը կես տարի առաջ հայտարարել էր, թե չի պատրաստվում բանակցել Փաշինյանի հետ։ Ըստ նրա` պարտված իշխանությունն ընդհանուր ձևակերպում է, այստեղ պետք է հասկանալ, թե որոնք են եղել իշխանության սխալները և ինչպես են դրանք նպաստել պարտությանը։ Ըստ այդմ`սխալների չափը եղել է բավականին մեծ, ուստի այն իշխանությունը, որը ձախողել է պատերազմը, վելուծաբանի համոզմամբ` անշուշտ պետք է հեռանա։
Եռակողմ հայտարարությունը լուծում չէ. ՀՀ ԱԺ–ն իր անհամաձայնությունը կհայտնի փաստաթղթին
«Իսկ թե ինչու է վարչակարգը ձգտում մնալ իշխանության ղեկին, այդ հանգամանքը պայմանավորված է երկու գործոնով. նախ` վախենում են որոշ հնարավոր բացահայտումներից, և երկրորդ` դեռ հույս ունեն, որ կարող են պահել իշխանությունը։ Այդուհանդերձ, շատերը չեն ցանկանում աշխատել վարչակարգի հետ, փոխնախարարների պաշտոնում ակտիվորեն փորձում են գտնել նոր մարդկանց»,– նշեց վերլուծաբանը։
Միքայելյանի գնահատմամբ` հրադադարի հայտարարության ստորագրումից մեկ ամիս անց դիվանագիտական ճակատում նույնպես անորոշ վիճակ է, քանի որ մի կողմից Ռուսաստանի հետ հարաբերությունները դեռ լիովին չեն կարգավորվել` չնայած Հայաստանի կախվածությունը ՌԴ–ից աճել է, մյուս կողմից համաձայնագրի տեքստում կան բազմաթիվ կետեր, որոնք հավելյալ ճշգրտման կարիք ունեն, օրինակ` դիլիմիտացիան սովորաբար միակողմանի չի արվում, երբ ինչ–որ զինվորականներ գալիս են ու GPS համակարգով որոշում սահմանը։
Վերլուծաբանը չբացառեց նաև այն հանգամանքը, որ գործող իշխանությունը մնալու դեպքում Ադրբեջանի հետ կարող է կնքել մեծ համաձայնագիր, որով կճանաչի Ադրբեջանի տարածքային ամբողջականությունը, ինչը մեծ վտանգ է պարունակում Արցախի համար։
Անցումային կառավարությունը պետք է վերացնի եռակողմ հայտարարության տակ դրված ականները
