Մալխաս Ամոյանը հաղթեց թուրքին. նա աշխարհի անհատական գավաթի եզրափակիչում է

© Photo : Facebook / Wrestling - ArmeniaПоединок Малхаса Амояна (Армения) и Ченгиза Арслана (Турция) на Кубке мира по греко-римской борьбе (12 декабря 2020). Белград
Поединок Малхаса Амояна (Армения) и Ченгиза Арслана (Турция) на Кубке мира по греко-римской борьбе (12 декабря 2020). Белград - Sputnik Արմենիա
Բաժանորդագրվեք
Երեք գոտեմարտ, երեք հաղթանակ և եզրափակիչի ուղեգիր. սա է ըմբիշ Մալխաս Ամոյանի ցուցանիշը աշխարհի անհատական գավաթի խաղարկությունում։ Նա առաջին տեղի համար պայքարելու հնարավորություն ունի։

ԵՐԵՎԱՆ, 12 դեկտեմբերի – Sputnik. Սերբիայի մայրաքաղաք Բելգրադում ընթացող հունահռոմեական ոճի ըմբշամարտի Աշխարհի անհատական գավաթի խաղարկության կիսաեզրափակիչում 72կգ քաշային Մալխաս Ամոյանը 7։0 հաշվով պարտության մատնեց թուրք Չենգիզ Արսլանին և կպայքարի ոսկե մեդալի համար։

Հայաստանի ֆուտզալի ազգային հավաքականը դուրս է եկել ԵՎՐՈ–2022-ի որակավորման խմբային փուլ

Ըմբիշը երեք գոտեմարտում հաղթելուց հետո վաստակեց ընդհանուր 22 միավոր` մրցակիցներին չտալով ոչ մեկը։ Ամոյանը շատ վստահ անցկացրեց նաև կիսաեզրափակիչը, որտեղ սկզբունքային գոտեմարտում ոչ մի շանս չտվեց թուրք Արսլանին։ 7։0 հաշվով հաղթանակը մեր ըմբիշի բացահայտ առավելության ապացույցն է։ Հիշեցնենք, որ 1/8 և քառորդ եզրափակիչներում Ամոյանը 6։0 և 12։0 հաշվով առավելության էր հասել համապատասխանաբար սերբ Ալեքսանդր Մաքսիմովիչի և ռումինացի Վալենտին Պետիկի նկատմամբ։ Վաղը եզրափակիչում Ամոյանը կգոտեմարտի հունգարացի Բալինտ Կոռպասիի հետ։

Մրցումների երեկոյան գոտեմարտերից հետո պարզ դարձավ, որ բրոնզե մեդալի համար պայքարելու հնարավորություն են ստացել 55կգ քաշային Ռուդիկ Մկրտչյանը, 67կգ քաշային Սլավիկ Գալստյանը և 77 կգ քաշային Կարապետ Չալյանը։ Երեքն էլ սփոփիչ գոտեմարտեր կանցկացնեն վաղը։

Артур Алексанян празднует победу над Николозом Нахелашвили (Италия) в финальном поединке Чемпионата Европы по греко-римской борьбе (12 февраля 2020). Рим - Sputnik Արմենիա
Արթուր Ալեքսանյանն առաջին գոտեմարտում կպայքարի իր հիմնական մրցակցի դեմ

Մրցումային երկրորդ օրը՝ վաղը, գորգ դուրս կգա 60կգ քաշային Արմեն Մելիքյանը, որի մրցակիցը կլինի հնդիկ Գյանենդեր Գյանենդերը, 63կգ քաշային կարգում 2019 Եվրոպայի չեմպիոն Գևորգ Ղարիբյանը մրցաշարը կսկսի թուրք Աբդուրահման Ալթանի հետ գոտեմարտով, 82կգ քաշային կարգում Ռուբեն Ղարիբյանի առաջին մրցակիցը կլինի ռումինացի Գեորգե Մարիեան, 97կգ քաշային կարգում Արթուր Ալեքսանյանը ուժերը կչափի Մուսա Եվլոևի հետ, իսկ 130կգ քաշային կարգում Դավիթ Օվասապյանն առաջին գոտեմարտը կանցկացնի սերբ Բոբան Ժիվանովիչի հետ։

«Կփորձենք տհաճություններ պատճառել բոլոր հավաքականներին». Հենրիխ Մխիթարյան

Նշենք` Բելգրադում մեկնարկած մրցաշարը նախատեսվել էր որպես 2020թ–ի Ըմբշամարտի աշխարհի առաջնություն, սակայն COVID-ի հետ կապված հարցերի պատճառով մի շարք երկրներ (այդ թվում` ԱՄՆ–ն և Ճապոնիան) որոշեցին չմեկնել մրցումներին։ Այդ պատճառով մրցումը կկայանա որպես Աշխարհի անհատական գավաթ (Individual World Cup):

Հայազգի 19-ամյա ֆուտբոլիստը նորամուտն է նշել Լա Լիգայում

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала