«Խաբեբա Նիկոլը պետք է հեռանա». քաղաքացիները փակել էին օդանավակայան տանող ճանապարհը

© Sputnik / Aram NersesyanОппозиционные активисты заблокировали автомобильное движение на перекрестке улиц Амиряна и Саряна (11 декабря 2020). Еревaн
Оппозиционные активисты заблокировали автомобильное движение на перекрестке улиц Амиряна и Саряна (11 декабря 2020). Еревaн - Sputnik Արմենիա
Ոստիկանները ցուցարարներին հորդորեցին բացել ճանապարհը, ակցիայի մասնակիցները 5 րոպե ժամանակ խնդրեցին։

ԵՐԵՎԱՆ, 13 դեկտեմբերի - Sputnik. Տասնյակ քաղաքացիներ անհնազանդության ակցիաների շրջանակում փակել են «Զվարթնոց» օդանավակայան տանող ճանապարհը և պահանջում են ՀՀ վարչապետ Նիկոլ Փաշինյանի հրաժարականը։

Активисты покидают место митинга оппозиции (9 декабря 2020). Еревaн - Sputnik Արմենիա
Փաշինյանի հրաժարականի պահանջով բողոքի ակցիան մեկնարկեց ոստիկանության շենքի մոտ

Ակցիայի մասնակիցները մեկ րոպե լռությամբ հարգեցին Արցախյան պատերազմում զոհված տղաներից մեկի հիշատակը, քիչ հեռու նրա հոգեհանգստի արարողությունն էր ընթանում։

Ոստիկանները ցուցարարներին հորդորեցին բացել ճանապարհը, ակցիայի մասնակիցները 5 րոպե ժամանակ խնդրեցին ու ժամանակը լրանալուն պես՝ հեռացան ճանապարհի բանուկ մասից։

«Մենք մեր ակցիաները շարունակելու ենք այնքան ժամանակ, մինչև դավաճանն ու իր համախոհները կհասկանան, որ մենք հայրենիք ենք կորցրել, Արցախն ենք կորցրել, հիմա էլ Հայաստանի սահմաններն են վտանգված։ Ամբողջ կառավարությունը պետք է հեռանա, ու գան նոր մարդիկ, որոնք կբանակցեն, որ գոնե պահպանեք այն, ինչը մնացել է մեր հայրենիքից»,–ասաց ակցիայի մասնակիցներից մեկը։

Митинг оппозиции с требованием отставки премьер-министра (5 декабря 2020). Еревaн - Sputnik Արմենիա
Բողոքի ակցիա Գյումրիում. ցուցարարները պահանջում էին Փաշինյանի հրաժարականը

Նրա խոսքով` դեռ կան քաղաքացիներ, որոնք հավատացել և հավատում են ՀՀ վարչապետին ու վստահ են, որ նա մի դրական բան կփոխի իրենց կյանքում։

«Բայց շատերը հիմա սթափվում են ու գիտակցում, որ այն ինչ տեղի ունեցավ վերջին 2.5 տարում, սուտ էր։ Խաբեբա Նիկոլը պետք է հեռանա»,–ասաց նա։

Հիշեցնենք՝ նոյեմբերի 9–ին եռակողմ հայտարարության ստորագրումից հետո ընդդիմությունը պարբերաբար բողոքի ակցիաներ է կազմակերպում Երևանում` պահանջելով Նիկոլ Փաշինյանի հրաժարականը։ Դեկտեմբերի 3-ին հայտնի դարձավ, որ ընդդիմությունն առաջարկում է ժամանակավոր կառավարություն ստեղծել, որը կգլխավորի ՀՀ նախկին վարչապետ, Հանրային խորհրդի նախկին նախագահ Վազգեն Մանուկյանը։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала