Ամուսնացած էր, ուներ որդի. ի՞նչ փոխհատուցում կստանա մահացած ռուս խաղաղապահի ընտանիքը

© SputnikКомандир группы разминирования, капитан Виталий Мороз на боевом дежурстве
Командир группы разминирования, капитан Виталий Мороз на боевом дежурстве - Sputnik Արմենիա
Շուշիում զոհված ռուս խաղաղապահ Վիտալի Մորոզը բազմաթիվ ծրագրեր ուներ, որոնք այդպես էլ չիրականացան։

ԵՐԵՎԱՆ, 21 դեկտեմբերի - Sputnik. Ականազերծման միջազգային կենտրոնի ականազերծման խմբի հրամանատար, կապիտան Վիտալի Մորոզը, որը ծանր վնասվածքներ էր ստացել Շուշիի շրջանում ճանապարհային հատվածի ականազերծում իրականացնելիս, արդեն 12 տարի ծառայում էր ՌԴ ԶՈւ շարքերում:

Российский миротворец на блокпосту №6 на въезде в город Шуши на дороге из Степанакерта в Лачин - Sputnik Արմենիա
Հայտնի է Արցախում մահացած ռուս խաղաղապահի ինքնությունը. լուսանկար

Ողբերգական միջադեպը տեղի էր ունեցել դեկտեմբերի 18-ին։ Վիտալի Մորոզը 29 տարեկան էր։ Ամուսնացած էր, ունի մեկ որդի։

Լրագրող, քաղաքագետ Մարիետա Եփրեմյանը Sputnik Արմենիայի թղթակցի հետ զրույցում հայտնել է, որ Մորոզի հուղարկավորությունը տեղի կունենա դեկտեմբերի 22-ին։ Եփրեմյանը և նրա ընկերները դրամահավաք են սկսել զոհված Վիտալի Մորոզի, ինչպես նաև Ադրբեջանի ԶՈւ կողմից խոցված ՄԻ-24 ուղղաթիռի անձնակազմի երկու զինծառայողների` մայոր Յուրի Իշչուկի և ավագ լեյտենանտ Ռոման Ֆեդինայի ընտանիքների համար։

«Արդեն դրամահավաք ենք սկսել։ Գումարը կփոխանցվի Մորոզի կնոջը ՝ Վիտալինա-Եկատերինային։ Բայց մենք ուզում ենք պարզել` արդյո՞ք երեխայի համար առաջնային կարիքներ կան։ Կապ կհաստատենք նաև նոյեմբերի 9-ին զոհված օդաչուների այրիների հետ»,-ասել է Եփրեմյանը։

Նա նշել է, որ հայտարարված դրամահավաքին մարդիկ անմիջապես արձագանքել են, որոնց մեծ մասը հայեր են։

Թույլ չեն տվել, որ որևէ լուրջ միջադեպ լինի․ Շոյգուն` Ղարաբաղի ու խաղաղապահների մասին

Քաղաքագետ, իրավունքի ամբիոնի դոցենտ Սերգեյ Կարնաուխովն իր հերթին Sputnik Արմենիայի թղթակցի հետ զրույցում նշել է, որ ամենայն հավանականությամբ, բանկային հաշիվ կբացի, որին մարդիկ Մորոզի երեխայի համար կարող են փոխանցումներ կատարել։

Կարնաուխովը պարզաբանել է, որ հետագայում այդ գումարները կծառայեն զոհված խաղաղապահի երեխայի ուսման վրա։

«Կարծում եմ, որ սա լավ ներդրում կլինի, բացի այդ, մայրը կիմանա, որ ինչ էլ լինի, իր երեխան բարձրագույն կրթություն կստանա»,- ասել է Կարնաուխովը:

Նշենք, որ Sputnik Արմենիայի տեղեկություններով` պարտականությունների կատարման ընթացքում զոհված ռուսաստանցի զինծառայողների ընտանիքներին վճարվում է միանվագ փոխհատուցում՝ 65 հազար 238 դոլարի չափով:

Ավելի վաղ Ռուսաստանի պաշտպանության նախարարությունը հայտնել էր, որ սպան վիրավորվել է Շուշիում` ականազերծման ժամանակ:

Հիվանդանոցի ճանապարհին նա մահացել էր։ Գերատեսչությունը նաև ընդգծել էր, որ զինվորականի ընտանիքին կտրամադրեն հնարավոր ամեն տեսակ օգնություն ու աջակցություն:

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала