«Իմ Արցախ, իմ հող ու ջուր, իմ Հայաստան». Երևանում մեկնարկել է բողոքի ակցիան

Բաժանորդագրվեք
НовостиTelegram
«Հայրենիքի փրկության շարժման» բողոքի ակցիային, գործադուլին և դասադուլին միացել են հայաստանյան մի շարք բուհեր և կազմակերպություններ։

Երևանի Հանրապետության հրապարակում մեկնարկել է ՀՀ վարչապետ Նիկոլ Փաշինյանի հրաժարականը պահանջող անհնազանդության ակցիան։ Նշենք, որ այսօր, բացի  բողոքի ակցիաններից իրականացվում են նաև դասադուլներ և գործադուլներ։

Пресс-конференция Арсена Бабаяна (14 ноября 2019). Еревaн - Sputnik Արմենիա
Նիկոլ Փաշինյանի հրաժարականը օրերի հարց է․ Արսեն Բաբայան

Բազմամարդ ակցիայի ընթացքում հնչում են արդեն օրեր շարունակ հնչող «Նիկոլ, հեռացիր», «Նիկոլ, դավաճան», «Առանց Նիկոլ Հայաստան» կոչերը, ծածանվում է եռագույնը։ Ժամանակ առ ժամանակ լսվում է հասարակական գործիչ Ռուբեն Մխիթարյանի վերջերս հեղինակած «Իմ Արցախ, իմ հող ու ջուր,  իմ Հայաստան» երգը:

Հիշեցնենք, որ «Հայրենիքի փրկության շարժման» դեկտեմբերի 16–ի բողոքի ակցիայի ժամանակ հայտարարվեց, որ դեկտեմբերի 22-ը համահայաստանյան գործադուլի և դասադուլի օր կլինի։ Դասադուլին միացել են ԵՊՀ և ԵՊԲՀ–ի որոշ ֆակուլտետներ, իսկ գործադուլին մասնակցելու մասին արդեն հայտարարել է Մոր և մանկան առողջության պահպանման գիտահետազոտական կենտրոնը։

Դեկտեմբերի 12-ին բժշկական համալսարանի մի շարք աշխատակիցներ միացել էին ՀՀ-ի և սփյուռքի ավելի քան 300 բուժաշխատողների պահանջին` ստեղծված վիճակի համար պատասխանատու անձանց հրաժարականների ու կառավարության ինքնակամ և անցնցում հեռացման մասին:

Լրահոս
0