ԵՐԵՎԱՆ, 23 դեկտեմբերի – Sputnik. Այս գիշեր ու վաղն առավոտյան, ջերմաստիճանի անկմամբ պայմանավորված, Հայաստանի բոլոր ավտոճանապարհները պատվելու են մերկասառույցով։ Տեղեկությունը հայտնում է Հիդրոօդերևութաբանության և մոնիտորինգի կենտրոնի տնօրենի տեղակալ Գագիկ Սուրենյանը։
«Հարգելի հայրենակիցներ, հատկապես վարորդներ, կլինեք առավել զգոն»,– Facebook–ի իր էջում գրել է նա։
Դեկտեմբերի 23-24-ը Միջերկրական ծովից ակտիվ ցիկլոնի ներթափանցմամբ պայմանավորված՝ Հայաստանի գրեթե ողջ տարածքում ձյուն է տեղում, լեռնային գոտիներում և լեռնանցքներում բուք է։
Դեկտեմբերի 25-26-ի գիշերը օդի ջերմաստիճանն աստիճանաբար կնվազի 8-10 աստիճանով։
Հայաստանյան ավտոճանապարհներին ձյուն է, մառախուղ, մերկասառույց, կան փակ հատվածներ
