Երևանում նոր փողոց կկառուցվի. ինչի՞ մասին լռեց նախարար Պապիկյանը

© Sputnik / Aram NersesyanМинистр территориального управления и инфраструктур Сурен Папикян во время пресс-конференции на ААЭС (10 декабря 2019). Мецамор
Министр территориального управления и инфраструктур Сурен Папикян во время пресс-конференции на ААЭС (10 декабря 2019). Мецамор - Sputnik Արմենիա
Բաժանորդագրվեք
НовостиTelegram
Նախագիծը կառավարության նիստում ներկայացնող Սուրեն Պապիկյանը չբարձրաձայնեց, որ նոր ճանապարհի կառուցման համար քանդվելու են քաղաքացիներին պատկանող որոշ շինություններ։

ԵՐԵՎԱՆ, 24 դեկտեմբերի - Sputnik. Երևանի Արաբկիր վարչական շրջանի որոշ տարածքներ կառավարությունը հանրային գերակա շահ ճանաչեց։ Որոշումն այսօր ընդունվեց ՀՀ կառավարության նիստում` տարածքային կառավարման ու ենթակառուցվածքների նախարարության առաջարկով։

Ремонт взлетно-посадочной полосы в аэропорту Звартноц (7 мая 2019). Ереван - Sputnik Արմենիա
Երևանի քաղաքապետարանն ուզում է «Զվարթնոց» տանող այլընտրանքային ճանապարհ կառուցել

Ինչպես հայտնեց նախարար Սուրեն Պապիկյանը, որոշումը վերաբերում է Արամ Խաչատրյան ու Մամիկոնյանց փողոցների միացման հատվածին, որտեղով նախատեսվում է նոր ճանապարհ կառուցել։

«Նախատեսված ճանապարհահատվածի կառուցմամբ զուգահեռ տրանսպորտային հաղորդակցման ուղով հնարավորինս կթեթևացվի Կոմիտասի պողոտայի երթևեկությունը, ինչպես նաև կբարելավվեն թաղամասի տարհանման ելքերը»,– ասաց Պապիկյանը։

Նա նաև հայտնեց, որ 0.65 կմ երկարությամբ նոր ճանապարհը հատելու է ժամանակին Արաբկիրով անցնող նախկին երկաթուղային գիծը։

«Ճանապարհի սկիզբը սկսվում է Մամիկոնյանց փողոցից փողոցից` Մամիկոնյանց 49 նորակառույց շենքի բակ տանող հատվածից, հատում նախկին երկաթգծի ճանապարհն ու միանում գործող Արամ Խաչատրյան փողոցի սկզբնամասին»,– ասաց Պապիկյանը։

Գրանցված չէ. կադաստրի պետի անկեղծությունը Սուրիկ Խաչատրյանի առանձնատան մասին

Ինչ վերաբերում է հանրային գերակա շահ ճանաչելուն, Պապիկյանը նիստում չբարձրաձայնեց, որ այս ճանապարհի կառուցման համար քանդվելու են քաղաքացիներին պատկանող որոշ շինություններ։ Այս մասին, սակայն, նշված է կառավարության կայքում հրապարակված նախագծում։

Այսպես` Կադաստրի կոմիտեի տրամադրած տեղեկատվության համաձայն` տվյալ տարածքում կա 17 գույքային միավոր:

«Տարածքում կատարված տեղազննության արդյունում պարզվել է, որ տարածքում առկա են նաև մետաղական ավտոտնակներ, որոնց գրանցված իրավունքների վերաբերյալ Հայաստանի Հանրապետության կադաստրի կոմիտեում տեղեկատվություն առկա չէ»,– ասված է նախագծում:

Քաղաքացիների գույքի փոխհատուցման արժեքը նախնական հաշվարկվել է 286 075 150 դրամ, որը, նախագծի հեղինակների կարծիքով, ընթացքում կարող է փոփոխվել:

Կադաստրային գներն իրականին կմոտենան. ինչպես դա կանդրադառնա բնակարանների սեփականատերերի վրա

Լրահոս
0