ԵՐԵՎԱՆ, 25 դեկտեմբերի – Sputnik. Հայաստանի ֆուտբոլի ազգային հավաքականի ավագ, իտալական «Ռոմայի» կիսապաշտպան Հենրիխ Մխիթարյանը շնորհավորական գրառում է արել Facebook-ի իր էջում։
«Սիրելի ընկերներ, ձեզ ու ձեր սիրելիներին շնորհավորում եմ Սուրբ ծննդյան առթիվ։ Թող ձեր տները լցվեն ջերմությամբ, սիրով ու հաջողությամբ։ Շնորհավոր Սուրբ ծնունդ», - գրել է ֆուտբոլիստը։
Հիշեցնենք` Մխիթարյանը նոյեմբերին «Ռոմայի» լավագույն ֆուտբոլիստ է ճանաչվել։
Նա Իտալիայի առաջնության 12 խաղերում յոթ գոլ է խփել ու հինգ փոխանցում արել։ Գոլերի ու փոխանցումների ընդհանուր թվով (12) Հենրիխը Իտալիայի առաջնության առաջին տեղում է։ Եվրոպայի լիգայի խաղերում նա մեկ գոլ է խփել ու երկու փոխանցում արել։
«Ռոման» վերականգնում է մեկ դար առաջ գրանցած ռեկորդը. գոլի հեղինակ է դարձել նաև Մխիթարյանը
