Արման Թաթոյանն արձագանքել է ԱԺ-ի մոտ տեղի ունեցած միջադեպերին

© Sputnik / Asatur YesayantsОмбудсмен РА Арман Татоян
Омбудсмен РА Арман Татоян - Sputnik Արմենիա
ՀՀ մարդու իրավունքների պաշտպանը հորդորում է բացառել բռնությունը, միմյանց սադրելու վտանգավոր գործելաոճը։

ԵՐԵՎԱՆ, 28 դեկտեմբերի – Sputnik. ՀՀ մարդու իրավունքների պաշտպան Արման Թաթոյանը դատապարտելի ու հակաիրավական է համարում բռնության ցանկացած դրսևորում՝ անկախ նրանից, թե ով է իրականացրել կամ ում նկատմամբ կամ ով ինչ հայացքներ ու համոզմունքներ ունի: Նա այսպես է արձագանքել այսօր ԱԺ-ի մոտ տեղի ունեցած միջադեպերին։

Митинг оппозиции перед зданием Национального собрания Армении (9 декабря 2020). Еревaн - Sputnik Արմենիա
Հայհոյանք ու ձվեր. ԱԺ-ի մուտքի մոտ միջադեպ գրանցվեց

«Ինչ վերաբերում է այսօր Ազգային ժողովի մուտքերից մեկի հարևանությամբ պատգամավորների հետ կապված միջադեպերին, ապա դրանք անընդունելի երևույթներ են․ որևէ մեկի արժանապատվություն վիրավորել կամ առավել ևս բռնություն գործադրել չի կարելի, սա պետք է նկատի ունենան բոլոր կողմերը՝ առանց բացառության»,– գրված է Թաթոյանի հաղորդագրության մեջ:

Մարդու իրավունքների պաշտպանի գրասենյակը բոլոր միջադեպերի առնչությամբ պատրաստում է իրավապահ մարմիններին ուղղված հարցումներ՝ ստանալու համար տեղեկություններ նրանց գործողություների, Մարդու իրավունքների պաշտպանի իրավասությանն առնչվող անհրաժեշտ այլ քայլեր ձեռնարկելու համար:

«Խիստ զգուշացնում եմ». Արման Թաթոյանը պատասխանել է իմքայլական պատգամավորներին

«Հաշվի առնելով կոնկրետ շեշտադրումներով հարցումները՝ ևս մեկ անգամ հատուկ պարզաբանում ենք ֆորմուլան. եթե ինչ-որ մեկը, ով չունի պաշտոն կամ օժտված չէ պետաիշխանական լիազորություններով, բռնություն է գործադրում մեկ այլ կոնկրետ՝ պաշտոն ունեցող կամ պաշտոն չունեցող անձի նկատմամբ, այսինքն՝ գործ ենք ունենում երկու կամ ավելի անձանց մասնակցությամբ բռնության առերևույթ հակաիրավական կոնկրետ արարքի հետ, ապա այդ կոնկրետ արարքով բռնություն գործադրող կոնկրետ անձին քրեական կամ այլ տեսակի պատասխանատվության ենթարկելը, կոնկրետ անձի նկատմամբ քրեական հետապնդում հարուցելը, նրան ձերբակալելը կամ կալանավորելը կամ կոնկրետ քաղաքացիների պատասխանատվության ենթարկելու նպատակով նրանց արարքներին քրեաիրավական որակումներ տալը Մարդու իրավունքների պաշտպանի իրավասությունը չէ»,– նշված է Թաթոյանի հայտարարության մեջ:

Ըստ նրա` նույն սկզբունքով՝ Մարդու իրավունքների պաշտպանի իրավասությունը չէ առանձին-առանձին ու առաջնային սկզբունքով` առանց իրավասու մարմինների կողմից քննության, իրավական կոնկրետ գնահատականների արժանացնելն այն անձանց արարքները, որոնց միջև կոնկրետ իրավիճակում տեղի է ունեցել փոխադարձ բռնություն կամ ծեծկռտուք, ինչպես նաև որոշել այդ կոնկրետ արարքների մասով նրանցից ով է մեղավոր և ով է անմեղ

Թաթոյանը հիշեցնում է, որ այդ նպատակի համար մեր պետությունում գործում են պետական համապատասխան մարմիններ, որոնք էլ ունեն այդ հատուկ իրավասությունը, իսկ Մարդու իրավունքների պաշտպանը կիրականացնի այդ կոնկրետ գործերով նրանց նկատմամբ իր իրավասությանն առնչվող վերահսկողությունը:

Հիշեցնենք` այսօր ԱԺ–ի մոտ բողոքի ակցիա իրականացնողները ձվերով հարվածեցին «Իմ քայլը» խմբակցության պատգամավոր Անդրանիկ Քոչարյանին` նրան անվանելով «դավաճան»։ Իշխանական պատգամավորը զայրացավ ու պատասխանեց. «Դավաճանը մերդ ա, լակոտ»: Ցուցարարն էլ ավելացրեց. «Դավաճանը հերդ ա»։ Հետո հայհոյեց Անդրանիկ Քոչարյանին: Եվս մեկ տհաճ միջադեպ էլ գրանցվեց իմքայլական պատգամավոր Սիսակ Գաբրիելյանի ու ցուցարարների միջև։ Քաղաքացիները նրան ևս հարվածեցին ձվերով։ Գաբրիելյանը մեքենայից դուրս եկավ ու հայհոյանքներով հարձակվեց ակցիայի մասնակիցների վրա՝ բռունցքներով հարվածելով նրանց:

Բողոքի ակցիա, երթ, լեզվակռիվ. ընդդիմությունը երթով եկավ կառավարության մոտ. տեսանյութ

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала