Ովքե՞ր են դավաճանները. «Իմ քայլն» ու ԲՀԿ–ն փոխադարձ մեղադրանքներ հնչեցրին

© Sputnik / Aram NersesyanДепутат от фракции "Мой Шаг" Айк Саркисян на пленарном заседании Парламента Армении (5 марта 2019). Еревaн
Депутат от фракции Мой Шаг Айк Саркисян на пленарном заседании Парламента Армении (5 марта 2019). Еревaн - Sputnik Արմենիա
Հայկ Սարգսյանը հայտարարեց, որ իրեն արդեն դիմել եմ բազմաթիվ ընտրողներ՝ ասելով, որ եթե ոստիկանությունը քայլեր չձեռնարկի, իրենք ստիպված կլինեն անձամբ պաշտպանել իրենց ընտրած պատգամավորներին ու իշխանությանը:

ԵՐԵՎԱՆ, 28 դեկտեմբերի – Sputnik. «Իմ քայլը» ՀՀ ոստիկանապետին ու ԱԱԾ տնօրենին հորդորում է վերականգնել հասարակական կարգը:
Նման հայտարարությամբ ԱԺ ամբիոնից հանդես եկավ «Իմ քայլը» խմբակցության պատգամավոր Հայկ Սարգսյանը:

Сторонники оппозиции перед зданием Национального собрания Армении (9 декабря 2020). Еревaн - Sputnik Արմենիա
«Ամանորն առանց դավաճան Նիկոլի». Վանեցյանը նոր կարգախոս առաջարկեց

«Այսօր առավոտյան մի խումբ սադրիչներ փակել են ԱԺ-ի մուտքերը և սադրանքներ գործել մի խումբ պատգամավորների նկատմամբ: Ես դիմում եմ Երևան քաղաքի ոստիկանության պետին և խնդրում, հորդորում ու պահանջում շատ արագ վերականգնել հասարակական կարգը, այլապես սա կբերի անցանկալի զարգացումների»,- ասաց Սարգսյանը:

Նա նաև հայտարարեց, որ իրեն արդեն դիմել են բազմաթիվ ընտրողներ՝ ասելով, որ, եթե ոստիկանությունը քայլեր չձեռնարկի, իրենք ստիպված կլինեն անձամբ պաշտպանել իրենց ընտրած պատգամավորներին ու իշխանությանը:

Սարգսյանն արձագանքեց նաև «դավաճան» որակմանը, որով ընդդիմադիրները պիտակավորում են իշխանությանը: 

«Դավաճանները նրանք են, ովքեր 20-30 տարի երկիրը թալանել են, երկաթբետոնե պարիսպներով տներ են սարքել ու այդ ընթացքում կառուցել են հողից ու փայտից դիրքեր»,- ասաց նա:

Փաշինյանը պետական դավաճան է, նա հանձնել է մեր կյանքի գնով պահված դիրքերը. զինվորականներ

Դավաճանները, նրա խոսքով, նրանք են, որոնց կառավարման տարիներին բանակի թիվը 2 անգամ կրճատվել է, ինչպես նաև նրանք, ովքեր իրենց երեխաներին բանակ չուղարկելու համար «թաքցրել են իրենց կանանց փեշերի տակ»:

«Իմ քայլի» մեղադրանքներին ընդդիմությունից արձագանքեց «Բարգավաճ Հայաստան» խմբակցության պատգամավոր Իվետա Տոնոյանը՝ թվային տվյալներ ներկայացնելով իշխանության 2.5 տարվա գործունեությունից:

«Պարո՛ն Սարգսյան, հատուկ ձեզ համար. ձեր իշխանության պաշտոնավարման արդյունքում ՀՀ տարածքը 42 000 քառ. կմ-ից դարձավ 29 000, թշնամու հետ շփման գիծը երկարեց 500 կմ-ով, ձեր իշխանության պաշտոնավարման ընթացքում սանձազերծված պատերազմի արդյունքում ունեցանք 5000 զոհ, 10 000 վիրավոր, 40 000 տեղահանված»,- ասաց Տոնոյանը:

Նա նաև շեշտեց, որ պետության ղեկավարն առկա խնդիրների վերաբերյալ շարունակում է իրարամարժ հայտարարություններ անել, կառավարությունը շարունակում է առաջնորդվել ջայլամի քաղաքականությամբ, իսկ պատգամավորները փողոցում ծեծում են բողոքի ակցիա անող քաղաքացիներին:

Նշենք, որ այսօր միջադեպ էր գրանցվել խորհրդարանի շենքի մոտ բողոքի ակցիա իրականացնող քաղաքացիների ու «Իմ քայլը» խմբակցության պատգամավոր Սիսակ Գաբրիելյանի միջև: Վերջինը հարվածել ու հայհոյել էր իր վրա ձվեր նետող ու «դավաճան» բղավող քաղաքացիներից մեկին:

Քաղաքացու ու պատգամավորի ծեծկռտուքը դադարեցվել էր ոստիկանության միջամտությամբ: Ոստիկանները բերման են ենթարկել ակցիայի մասնակից քաղաքացիներից ոմանց:

Դավաճանական հարված է թիկունքից, կամ ինչու է հանձնվել Շուշին` ըստ Գևորգ Գևորգյանի

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала