Թրամփի կողմնակիցները փորձել են ներխուժել Կապիտոլիում. տեսանյութ

© Sputnik / Григорий Дубовицкий / Անցնել ֆոտոբանկРотонда Капитолия в Вашингтоне
Ротонда Капитолия в Вашингтоне - Sputnik Արմենիա
Բաժանորդագրվեք
Կապիտոլիումում, որտեղ Կոնգրեսի պալատների համատեղ նստաշրջանում քննարկվում էին ընտրությունների արդյունքները, անկարգություններ են սկսվել։ Թրամփի կողմնակիցները փորձել են ներխուժել ներս, ոստիկանների հետ բախումներ են սկսվել։

ԵՐԵՎԱՆ, 6 հունվարի - Sputnik. ԱՄՆ-ի մայրաքաղաք Վաշինգտոնում Դոնալդ Թրամփի կողմնակիցները ներխուժել են Կապիտոլիում, գցել են արգելափակոցների 4 շարք ու փորձում են գրավել շենքը՝ ոստիկանության հետ բախումների մեջ մտնելով։

Mash տելեգրամ-ալիքը հայտնում է, որ Կոնգրեսի գրադարանի ու Կապիտոլիումի բլրի գրասենյակների աշխատակիցները տարհանվել են։

Մինչ այդ Կոնգրեսում նիստն ընդհատվել է հանրապետական սենատորների առարկության պատճառով, որոնք դեմ են արտահայտվել Արիզոնայի նահանգի ձայները հաստատելուն։

Հիշեցնենք, որ Թրամփն իր պարտությունը չի ընդունում և փոխնախագահ Մայք Փենսից պահանջում է վերանայել նախագահական ընտրությունների արդյունքները Կոնգրեսում կայանալիք նիստի ժամանակ: Ընդ որում, Փենսը նման լիազորություններ չունի. ըստ օրենքի, նա պետք է նախագահի ձայների հաշվարկի ժամանակ, իսկ հնարավոր առարկությունները կարող են հայտնել Կոնգրեսի անդամները:

Հեռախոսային իրավունք․ Թրամփը վերջին ուժերն է մարտի նետում

Ավելի վաղ Թրամփը հայտարարել էր, որ հազարավոր մարդիկ, որոնք դեմ են երկրի ղեկավարի ընտրություններում «ձախ արմատական դեմոկրատների» հաղթանակին, հեղեղել են Վաշինգտոնը: Նրա խոսքով՝ քաղաք ժամանած քաղաքացիները նորընտիր նախագահ Ջո Բայդենին և նրա կողմնակիցներին թույլ չեն տա «գողանալ հանրապետականների հաղթանակը» ընտրություններում:

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала