Фон для радио  - Sputnik Արմենիա
ՌԱԴԻՈ

Հայաստանում ազգային փոքրամասնությունները երբեք խտրականության չեն ենթարկվել. Սանդիկով

ԱԺ «Իմ քայլը» խմբակցության պատգամավոր Ալեքսեյ Սանդիկովը Sputnik Արմենիայի եթերում խոսել է ԱԺ մարդու իրավունքների պաշտպանության և հանրային հարցերի մշտական հանձնաժողովի` սեպտեմբերի վերջին շաբաթ օրն ազգային փոքրամասնությունների օր հռչակելուն դրական եզրակացություն տալուն։
Սանդիկով. «ՀՀ–ում ազգային փոքրամասնությունները երբեք մատնված չեն եղել խտրականության»

Ալեքսեյ Սանդիկովի դիտարկմամբ` նման գաղափար վաղուց կար և ավելի առարկայորեն քննարկվել էր դեռ անցյալ տարվա ամռանը։ Ըստ նրա` բոլոր քաղաքացիներն էլ հասկանում են, որ նման օր կամ տոն ունենալու հիմքում դրված է սիմվոլիզմ, ինչը ևս մեկ անգամ ազգային փոքրամասնությունների վրա է սևեռում համարժեք ուշադրություն։ 

«Հանուն արդարության պետք է նշեմ, որ Հայաստանում երբեք էլ չի եղել իրավիճակ, որ ազգային փոքրամասնությունները որոշակի խտրականության ենթարկվեն կամ անտեսվեն։ Հետևաբար նման օր ունենալու գաղափարն ավելի շատ խորհրդանշական հիմքեր ունի»,– նշեց Սանդիկովը։ 

Пленарное заседание Парламента Армении (5 марта 2019). Еревaн - Sputnik Արմենիա
Սեպտեմբերի վերջին շաբաթ օրը՝ ազգային փոքրամասնությունների օր․ օրենքի նախագիծն ընդունվեց

Նրա կարծիքով` բոլոր համայնքների համար իրենց ազգային լեզվով սովորելու, հատկապես մշակույթն ու ինքնությունը պահպանելու համար պահանջվում են համալիր միջոցառումներ։ Օրինակ` ռուսական համայնքի հետ կա պայմանավորվածություն, որ այս տարի Ռուսաստանում տպագրվող դասագրքերի պետպատվերի խմբաքանակն ավելացվի և ներկայացվի Հայաստանում ապրող ռուսների համար, գումարների հայթայթման ուղղությամբ նույնպես կատարվում են աշխատանքներ։ 

«Մշակութային առումով աշխատում եմ Ամրակիցում գտնվող ռուսական ուղղափառ եկեղեցու վերականգնման նախագծի վրա, նման բազմաթիվ այլ նախագծեր կան։ Համոզված եմ, որ մնացած համայնքները ներկայացնող պատգամավորները նույնպես նմանատիպ գործունեություններ ծավալում են իրենց հայրենակիցների համար, ինչը մշտական, դինամիկ գործընթաց է»,– նշեց պատգամավորը։  

Սանդիկովը հիշեցրեց նաև նախորդ տարի քննարկված և հաստատված օրենքի նախագիծը, որով նվազագույն սահմանաչափեր են հաստատված Հանրային հեռուստաընկերությամբ և Հանրային ռադիոյով ազգային փոքրամասնությունների համար հարազատ լեզով հաղորդումներ ունենալու վերաբերյալ։ Ըստ նրա` ռուսական հաղորդումներն այդ առումով գտնվում են ամենաշահեկան դիրքում, որովհետև նույնիսկ կաբելային հեռուստաընկերությունների գերակշռող մեծամասնությունը ռուսալեզու է, կինոթատրոններում ցուցադրվող գրեթե բոլոր ֆիլմերը ռուսալեզու են։ Թերևս այդ հարցն, ըստ պատգամավորի, ավելի օրակարգային է մնացած ազգային փոքրամասնությունների համար` չնայած, որ նրանք նույնպես ունեն համապատասխան եթերաժամեր և հաճախ հյուրընկալում են իրենց հայրենակից պատգամավորներին։    

Դասագրքեր, ուսուցիչների պակաս... ի՞նչ խնդիրներ ունեն ազգային փոքրամասնությունները ՀՀ-ում

Ռուսական համայնքը ներկայացնող պատգամավորի հավաստմամբ` ՀՀ կառավարության հետ իրենց համագործակցության մասով բողոքելու առիթներ չեն եղել և իրենք տրամադրված են լավատեսորեն։     

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала