Фон для радио  - Sputnik Արմենիա
ՌԱԴԻՈ

Ինչը կարող է խոչընդոտել Մոսկվայում ձեռք բերված պայմանավորվածության իրականացմանը

© Sputnik / Asatur YesayantsЕрванд Бозоян
Ерванд Бозоян - Sputnik Արմենիա
Քաղաքագետ Երվանդ Բոզոյանի կարծիքով` Մոսկվայում ձեռք բերված եռակողմ պայմանավորվածությունը ամբողջովին չի կարող կյանքի կոչվել, քանի դեռ գերիների հարցն արմատապես չի լուծվել։
«Հայաստանի և Ադրբեջանի միջև չեն կարող հարաբերություններ հաստատվել, քանի դեռ գերիների հարցը չի լուծվել». Բոզոյան

Հայաստանի և Ադրբեջանի միջև կոմունիկացիաների բացման վերաբերյալ հայտարարությունը, որը ընդունվեց Հայաստանի, Ռուսաստանի և Ադրբեջանի ղեկավարների մոսկովյան հանդիպման արդյունքում, կյանքի կկոչվի միայն այն դեպքում, եթե վերջնականապես լուծվի սահմանների և գերիների հարցը, այլապես ինչպես կարող են բացվել երկու երկրների կոմունիկացիաները, երբ Բաքվում 100-ավոր գերիներ կան։ Sputnik Արմենիայի հետ զրույցում ասաց քաղաքագետ Երվանդ Բոզոյանը` մեկնաբանելով երեկ Մոսկվայում ստորագրված եռակողմ հայտարարությունը։

Вице-премьеры Мгер Грирорян и  Тигран Авинян в Цицернакаберде на церемонии почитания памяти жертв в Сумгаите (28 февраля 2020). Еревaн - Sputnik Արմենիա
Ո՞վ կգլխավորի հայ-ռուս-ադրբեջանական աշխատանքային խումբը Հայաստանից

«Իհարկե ողջունելի է ցանկացած քայլ խաղաղության, որը արվում է երկու երկրների միջև, սակայն խաղաղությունը պետք է լինի արդար հիմքի վրա, փոխվստահության հիմքի վրա, որտեղ սահմանազատման ժամանակ մարդկանց տները չկիսվեն երկու մասի, նույնիսկ գյուղերը չկիսվեն, սա ուղղակի նվաստացուցիչ գործընթաց է կոնկրետ Հայաստանի հանդեպ»,- ասաց նա։

Նրա խոսքով, եթե դելիմիտազացիայի և դեմարկացիայի խնդիրների լուծման համար կարող են տարիներ պահանջվել, և որի երկարաձգումն ինչ-որ առումով հասկանալի է, ապա կոմունիկացիաների բացումն առանց գերիների խնդրի վերջնական լուծման այդքան էլ իրատեսական չէ։  Ըստ Բոզոյանի` իր համար իսկզբանե էլ պարզ էր, որ մոսկովյան այցի շրջանակում Փաշինյանը չի կարող խնդրի կարգավորման հասնել։

«Իմ համար ակնհայտ էր, որ այս խնդիրը չէր լուծվելու, որովհետև Ադրբեջանը զգալով Հայաստանի թուլությունը և Նիկոլ Փաշինյանի հանդեպ հասարակության ճնշող մեծամասնության անվստահությունը՝ շատ հասկանալի պատճառներով, փորձում է քայլ առ քայլ ճնշումներով հասնել իր նպատակներին, իսկ Ադրբեջանի նպատակները հասկանալի են»,- նշեց քաղաքագետը։ 

Բոզոյանի կարծիքով` միայն  արմատական իշխանափոխության արդյունքում հնարավոր կլինի հասնել երկրի առաջ ծառացած օրհասական խնդիրների լուծմանը, հակառակ դեպքում Հայաստանի և Ադրբեջանի միջև լուրջ հարաբերություններ չեն կարող հաստատվել։

Եռակողմ աշխատանքային խումբը Ղարաբաղում կզբաղվի բնականոն կյանքի վերականգնման հարցերով

Հիշեցնենք` 2021–ի հունվարի 11–ին Մոսկվայում կայացած եռակողմ` Փաշինյան–Պուտին–Ալիև հանդիպման ժամանակ ԼՂ զարգացման թեմայով նոր հայտարարություն ընդունվեց, որով նախատեսվում է Հայաստանի, Ռուսաստանի և Ադրբեջանի փոխվարչապետների համատեղ նախագահությամբ եռակողմ աշխատանքային խումբ ստեղծել։ 

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала