Դավթյանը Կրասնովին խնդրել է Ադրբեջանի պահանջով հայ պաշտոնյաների հետախուզում չհայտարարել

© Photo : Facebook / Gor AbrahamyanГенпрокурор Армении Артур Давтян на праздничном мероприятии Дня работников прокуратуры РФ (12 января 2020). Москвa
Генпрокурор Армении Артур Давтян на праздничном мероприятии Дня работников прокуратуры РФ (12 января 2020). Москвa - Sputnik Արմենիա
Բաժանորդագրվեք
Yandex newsTelegram
ՀՀ գլխավոր դատախազ Արթուր Դավթյանը հանդիպում է ունեցել ՌԴ գլխավոր դատախազ Իգոր Կրասնովի հետ։

ԵՐԵՎԱՆ, 13 հունվարի – Sputnik. Թեև Արցախի պաշտպանության բանակը շարունակում է արցախահայության անվտանգության ապահովման իր գործառույթները, սակայն ռուսական խաղաղապահ ուժերի տեղակայումը էապես մեծացրել է անվտանգության երաշխիքները։ Աշխատանքային այցով ՌԴ-ում գտնվող ՀՀ գլխավոր դատախազ Արթուր Դավթյանը նման կարծիք է հայտնել ՌԴ գլխավոր դատախազ Իգոր Կրասնովի հետ հանդիպման ժամանակ։

Президент Азербайджана Ильхам Алиев во время Пятого Касписйкого Саммита (12 августа 2018). Актау - Sputnik Արմենիա
Ալիևը հայտարարել է Նախիջևանի միջանցքի բացմանն ուղղված կոնկրետ աշխատանքների մասին

«Ռուսական խաղաղապահ ուժերի տեղակայումը հիմքեր է ստեղծել շփման գծում կայունության ամրապնդման համար»,–ասել է Դավթյանը։

Դավթյանը քննարկման ընթացքում նշել է Ադրբեջանի իրավասու մարմինների կողմից հարուցված անհիմն քրեական հետապնդումների հիման վրա ՀՀ նախկին և ներկա պաշտոնատար անձանց նկատմամբ ԱՊՀ տարածքում ապօրինի հետախուզումների հնարավորության բացառման մասին:

Գլխավոր դատախազները քննարկել են իրավական փոխօգնության, էքստրադիցիայի ոլորտներում գործակցության, ինչպես նաև փոխադարձ հետաքրքրություն ներկայացնող հարցերի լայն շրջանակ:

Հանդիպման արդյունքներով Արթուր Դավթյանը և Իգոր Կրասնովը ստորագրել են ՀՀ և ՌԴ դատախազությունների միջև 2021-2022թթ. համագործակցության ծրագիրը։ Դրանով նախատեսվում են փորձի փոխանակմանն ուղղված համատեղ աշխատանքներ դատախազական հսկողության մի շարք ոլորտներում:

Ստացվել են հստակ տեղեկություններ, որոնք ցանկանում եմ տրամադրել Ձեզ. Դավթյանը` ՌԴ դատախազին

Իգոր Կրասնովի կողմից օրինականության ամրապնդման և միջազգային համագործակցության ոլորտում նշանակալի ավանդ ներդնելու համար ՀՀ գլխավոր դատախազ Արթուր Դավթյանը պարգևատրվել է ՌԴ գլխավոր դատախազի պատվոգրով:

Հիշեցնենք, որ ավելի վաղ կայացել էր եռակողմ հանդիպում Հայաստանի, Ռուսաստանի և Ադրբեջանի գլխավոր դատախազների միջև, Դավթյանը բարձրացրել էր ռազմագերիների հարցը, կարևորել Ղարաբաղի վերաբերյալ եռակողմ հայտարարության 8–րդ կետի անհապաղ կատարումը, հայ ռազմագերիների և Ադրբեջանում պահվող այլ անձանց շուտափույթ վերադարձը, իսկ մինչ այդ նրանց իրավունքների ապահովման երաշխիքների տրամադրումը:

Լրահոս
0