Պուտինն ասել է, որ կորոնավիրուսի դեմ ռուսական պատվաստանյութն ամենալավն է աշխարհում

© Sputnik / Михаил Климентьев / Անցնել մեդիապահոցПрезидент РФ Владимир Путин на большой ежегодной пресс-конференции в режиме видеоконференции (17 декабря 2020). Москва
Президент РФ Владимир Путин на большой ежегодной пресс-конференции в режиме видеоконференции (17 декабря 2020). Москва - Sputnik Արմենիա
Բաժանորդագրվեք
НовостиTelegram
Վլադիմիր Պուտինը կառավարության անդամների հետ հանդիպման ժամանակ ասել է, որ հաջորդ շաբաթվանից պետք է անցնել ռուսաստանցիներին կորոնավիրուսի դեմ զանգվածային կերպով պատվաստելուն։

ԵՐԵՎԱՆ, 13 հունվարի - Sputnik. Ռուսաստանի նախագահ Վլադիմիր Պուտինն ասել է, որ կորոնավիրուսի դեմ ռուսական պատվաստանյութը համարում է աշխարհում ամենալավը։ Միաժամանակ նա նշել է, որ անհրաժեշտ է հասկանալ՝ ինչպես է այն գործելու բազմաթիվ շտամների պայմաններում։

«Դա ակնհայտ է, մենք նախկինում էլ էինք այդպես կարծում, իսկ հիմա փորձն է դա ցույց տալիս։ Այն, իմ կարծիքով, ամենալավն է աշխարհում, ու նմանատիպ ոչ մի պատվաստուկ այդ մակարդակի պաշտպանություն ու այդ մակարդակի անվտանգություն չի ցուցադրում», - ասել է Պուտինը ՌԴ կառավարության հետ ժողովում՝ խոսելով պատվաստանյութի մասին։

Նա ընդգծել է, որ դա անկասկած ռուսաստանցի մասնագետների ու գիտնականների հաջողությունն է։

«Պետք է հասկանանք՝ ինչպես է դա գործելու շտամների բազմազանության պայմաններում»,-ավելացրել է նախագահը` նշելով, որ «խորը ուսումնասիրություններ են հարկավոր»։

«Սպուտնիկ V» հասել է Աֆրիկա. ինչո՞ւ են վստահում ռուսական պատվաստանյութին  - Sputnik Արմենիա
«Սպուտնիկ V»-ն հասել է Աֆրիկա. ինչո՞ւ են վստահում ռուսական պատվաստանյութին

Պուտինն առողջապահության նախարարությանը հանձնարարել է զանգվածային պատվաստումը սկսելու համար համապատասխան ենթակառուցվածք ու ժամանակացույց պատրաստել։

Փոխվարչապետ Տատյանա Գոլիկովան պատասխանել է, որ համապատասխան կառույցների հետ լրացուցիչ խորհրդատվություններ են անհրաժեշտ, մինչև հունվարի վերջը 2,1 միլիոն չափաբաժին պատվաստանյութ են ստանալու։

Հիշեցնենք` Ռուսաստանն աշխարհում առաջինն է գրանցել Covid-19–ի դեմ պատվաստանյութը, որը ստեղծել են Գամալեայի կենտրոնը և Ուղիղ ներդրումների ռուսական հիմնադրամը։ Այն ստացել է «Սպուտնիկ V» անվանումը։ Առաջին խմբաքանակն արդեն շրջանառության մեջ է դրվել և Ռուսաստանի մարզեր է մատակարարվում։

Ինչպես են իրենց զգում «Սպուտնիկ V» պատվաստանյութ ստացած քաղաքացիները․ ՀՀ ԱՆ պատասխանը

Նոյեմբերի 21-ին Հայաստան էր ժամանել Ռուսաստանի միջգերատեսչական պատվիրակությունը, որում նաև առողջապահության ոլորտի ներկայացուցիչներ էին ընդգրկված։ Ռուսաստանի առողջապահության նախարար Միխայիլ Մուրաշկոն ՀՀ առողջապահության նախարար Արսեն Թորոսյանին էր փոխանցել կորոնավիրուսի ռուսական պատվաստանյութի` «Սպուտնիկ V»-ի առաջին նմուշները։

«Սպուտնիկ V»-ին կարելի է վստահել․ Bloomberg-ի լրագրողն ասել է՝ ինչու

Լրահոս
0