Фон для радио  - Sputnik Արմենիա
ՌԱԴԻՈ

Հակակոռուպցիոն դատարաններ ստեղծելու առումով պարզապես անիմաստ փողեր են ծախսվում. Կոստանյան

© Sputnik / Asatur YesayantsГеворг Костанян
Геворг Костанян - Sputnik Արմենիա
Բաժանորդագրվեք
НовостиTelegram
ՀՀ նախկին գլխավոր դատախազ Գևորգ Կոստանյանը Sputnik Արմենիայի հետ զրույցում անդրադարձել է կառավարության քայլին, որով գործադիր մարմինը հավանություն է տվել Հակակոռուպցիոն և Վերաքննիչ հակակոռուպցիոն դատարաններ ստեղծելու փաթեթին։
Կոստանյան. «Հակակոռուպցիոն դատարանների ստեղծումն ունի զրո նշանակություն կոռուպցիայի դեմ պայքարում»

Գևորգ Կոստանյանի համոզմամբ` հակակոռուպցիոն դատարանների ստեղծումը զրո նշանակություն ունի կոռուպցիայի դեմ պայքարի արդյունավետության առումով` հիմք ընդունելով երկու կարևոր հանգամանք։

Առաջին` աշխարհի բոլոր զարգացած եվրոպական (և ոչ միայն) երկրներում, որոնք հաջողությամբ պայքարել են կոռուպցիայի դեմ, դրանցում կոռուպցիոն գործեր քննող առանձին դատարաններ չեն եղել։ Ըստ նրա` նույնիսկ Սինգապուրը, որը կոռուպցիայի դեմ պայքարող ամենաարդյունավետ երկիրն է, հակակոռուպցիոն դատարան չունի։

Министр юстиции Армении Рустам Бадасян после третйего форума армяно-грузинского юридического сотрудничества (9 декабря 2019). Еревaн - Sputnik Արմենիա
Կոռուպցիոն գործերով մասնագիտացված քննություն կլինի. Բադասյանը` 2 նոր դատարանների մասին

Կոստանյանի գնահատմամբ` այս հանգամանքն ինքնին խոսում է այն մասին, որ հակակոռուպցիոն դատարանների ստեղծումը չի ազդում կոռուպցիոն հանցագործությունների նվազման և հակակոռուպցիոն քաղաքականության իրականացման վրա։

«Իսկ երկրորդ հանգամանքն այն է, որ եթե գնում են նման քայլի այն նկատառությամբ, որ ստեղծեն հակակոռուպցիոն դատարան, որպեսզի կոռուպցիոն հանցագործությունների քննության արդյունավետությունը բարձրանա, ապա դա էլ քրեական իրավունքի տեսակետից ունի զրո տրամաբանություն, որովհետև նույն սկզբունքից ելնելով` պետք է ստեղծել տրանսպորտային հանցագործությունների վերաբերյալ դատարան, որովհետև տրանսպորտային հանցագործությունների ու տրանսպորտային պատահարների թիվն է ավելացել, ամուսնաընտանեկան գործերով դատարան, որովհետև ապահարզանների քանակն է ավելացել, երեխաների դեմ կատարվող հանցագործությունների քննության դատարան, որովհետև ավելացել են երեխաների դեմ հանցագործությունները»,– նշեց ՀՀ նախկին գլխավոր դատախազը։

Կոստանյանի կարծիքով` հանցավորության դեմ պայքարն ունի իր սկզբունքներն ու մեթոդները, եթե անգամ ստեղծվի երեսուն դատարան կամ քառասուն մասնագիտացված մարմին՝ եթե չկա կոռուպցիայի, այդ հանցատեսակի դեմ պայքարի հիմքը, նախաձեռնությունը կունենա զրո նշանակություն, հետևաբար հակակոռուպցիոն դատարաններ ստեղծելու առումով պարզապես անիմաստ փողեր են ծախսվում։ 

«Բարգավաճ Հայաստանը» դիմելու է Սահմանադրական դատարան

Լրահոս
0