«Համամիտ եմ Պոպովի հետ». Այվազյանը շեշտել է ԼՂ կարգավիճակի կարևորությունը

© Sputnik / Asatur YesayantsГлава МИД Армении Ара Айвазян перед заседанием Парламента (14 января 2021). Еревaн
Глава МИД Армении Ара Айвазян перед заседанием Парламента (14 января 2021). Еревaн - Sputnik Արմենիա
Բաժանորդագրվեք
Yandex newsTelegram
Արա Այվազյանը շեշտեց, որ Արցախի կարգավիճակը եղել և մնում է հակամարտության կարգավորման կարևորագույն սկզբունքը։

ԵՐԵՎԱՆ, 14 հունվարի – Sputnik. Ժամանակին Հայաստանն իր համաձայնությունն էր տվել Կազանի փաստաթղթին, քանի որ այն պարունակում էր հակամարտության կարգավորման հիմնարար սկզբունքների ամբողջական փաթեթը։ Ազգային ժողովում լրագրողների հետ զրույցում ասաց ՀՀ արտաքին գործերի նախարար Արա Այվազյանը` անդրադառնալով ՀՀ վարչապետ Նիկոլ Փաշինյանի հոդվածի և ԵԱՀԿ Մինսկի խմբի ռուսաստանյան համանախագահ Իգոր Պոպովի մեկնաբանություններին։

Министр иностранных дел Швеции Анн Линде на совместной пресс-конференции с главой МИД Германии (25 февраля 2020). Берлин - Sputnik Արմենիա
ԼՂ հակամարտության կարգավորումը ԵԱՀԿ առաջնահերթությունների շարքում է

Փաշինյանն իր «44-օրյա պատերազմի ակունքները» հոդվածում նշել էր, որ ղարաբաղյան հակամարտությունը կարգավորելու վերաբերյալ ռուսական առաջարկները չեն շոշափել Լեռնային Ղարաբաղի կարգավիճակը ու վերաբերել են միայն 7 շրջաններն Ադրբեջանին վերադարձնելուն։ Պոպովը երեկ հերքել էր դա` ասելով, որ ԼՂ հիմնահարցի կարգավորման ռուսաստանյան առաջարկը եղել է այսպիսին` առաջին փուլում Ադրբեջանին 5, երկրորդ փուլում՝ 2 շրջան վերադարձնել` այդ գործընթացը փոխկապակցելով ԼՂ կարգավիճակի որոշման հետ։

«Ադրբեջանի կողմից Կազանյան փաստաթղթի մերժումից հետո էլ բանակցությունները շարունակվել են հիմնարար սկզբունքների հիման վրա։ Պատերազմի ժամանակ Ադրբեջանի կողմից տրվել էր համաձայնություն` շարունակել բանակցությունները հիմնական սկզբունքների շուրջ։ Համամիտ եմ Պոպովի հետ, որ Արցախի կարգավիճակը եղել է հակամարտության կարգավորման կարևորագույն սկզբունքը։ Այն եղել և մնում է»,–ասաց Այվազյանը։

Նրա խոսքով` 2020-ի նոյեմբերի 9-ի փաստաթուղթը հակամարտության կարգավորման փաստաթուղթ չէ, այլ հրադադարի մասին փաստաթուղթ, որը ներառում է հիմնարար սկզբունքներից մի քանիսը։ Նախարարը նշեց` հակամարտությունը չի կարող կարգավորված համարվել, եթե այնտեղ ամփոփված չեն բոլոր հիմնարար սկզբունքները, մասնավորապես, Արցախի կարգավիճակի հարցը։

Հայաստանը, որպես պարտված կողմ, իր բանակցային ռեսուրսը լիարժեք չի օգտագործում

Այվազյանը հիշեցրեց, որ նախորդ տարվա դեկտեմբերի 3-ին ԵԱՀԿ Մինսկի խումբը հայտարարեց, որ բանակցությունները պետք է շարունակվեն հիմնարար սկզբունքների հիման վրա։

Ինչ վերաբերում է վարչապետ Նիկոլ Փաշինյանի պնդումներին, թե ԼՂ կարգավիճակի հարց չի եղել Կազանյան փաստաթղթում` Այվազյանը չմեկնաբանեց` ասելով, որ դրանք հանված են կոնտեքստից։

Լրահոս
0