ԵՐԵՎԱՆ, 15 հունվարի - Sputnik. «ՄՈԳՈ» վարկային կազմակերպությունը վերահաշվարկի արդյունքում կվերադարձնի այն հաճախորդների գումարները, որոնք 2019 թվականի սեպտեմբերի 1-ից մինչև 2020 թվականի դեկտեմբերի 31-ը ժամանակահատվածում ընկերությունում կատարել են իրենց վարկային պարտավորությունների ամբողջական վաղաժամկետ մարումներ և որոնց գծով չի կատարվել վերահաշվարկ վարկերի մարման պահին: Այս մասին հաղորդագրություն է տարածել ՀՀ կենտրոնական բանկը:
«Ընկերությունը կվերադարձնի այդ գումարները 2021 թ. ընթացքում` համաձայն ժամանակացույցի»,-նշված է հաղորդագրության մեջ։
Անկայունությունը չի կարող չանդրադառնալ Հայաստանի վարկային վարկանիշի վրա․ տնտեսագետ
ՀՀ կենտրոնական բանկի նախագահի 2020 թ. դեկտեմբերի 23-ի որոշումով պատասխանատվության միջոց է կիրառվել «ՄՈԳՈ» ՈՒՎԿ ՍՊԸ-ի նկատմամբ։
