ԵՐԵՎԱՆ, 20 հունվարի – Sputnik. ԱՄՆ նորընտիր նախագահ Ջո Բայդենն առաջին գրառումն է արել Twitter-ում ԱՄՆ նախագահի @POTUS էջից: Սոցիալական ցանցի պաշտոնական ներկայացուցիչ Նիկ Պաչիլիոն հաստատել է, որ Սպիտակ տան գերատեսչական էջերը փոխանցվել են նոր նախագահի վարչակազմին:
Հեռացող Թրամփն ու երդմնակալության պատրաստվող Սպիտակ տունը. լուսանկարներ
«Երբ խոսքը վերաբերում է ճգնաժամերի հաղթահարմանը, որոնց մենք բախվում ենք, չի կարելի ժամանակ կորցնել։ Ահա թե ինչու այսօր ես գնում եմ օվալաձև գրասենյակ, որպեսզի անմիջապես անցնեմ աշխատանքի՝ վճռական գործողություններ ձեռնարկելով և անհապաղ օգնություն ցուցաբերելով ամերիկյան ընտանիքներին»,– գրել է Բայդենը։
There is no time to waste when it comes to tackling the crises we face. That's why today, I am heading to the Oval Office to get right to work delivering bold action and immediate relief for American families.
— President Biden (@POTUS) January 20, 2021
Օգտահաշվում ԱՄՆ նախկին նախագահ Դոնալդ Թրամփի անունը փոխարինվել է նոր նախագահի անունով, փոխվել են նաև լուսանկարները:
Հիշեցնենք, որ այսօր Ջո Բայդեն ստանձնեց ԱՄՆ նախագահի պաշտոնը։
Նման բան դեռ չէր եղել. աննախադեպ երդմնակալություն Վաշինգտոնում
