ԵՐԵՎԱՆ, 20 հունվարի — Sputnik. ԱՄՆ նախագահ Դոնալդ Թրամփը ներում է շնորհել 73 մարդու, ևս 70-ի պատիժը մեղմացրել է։ Տեղեկությունը հայտնում է Սպիտակ տան մամուլի ծառայությունը։
Ցանկում ներառվել են ԱՄՆ առաջնորդի նախկին խորհրդական Սթիվեն Բենոնը, Հանրապետական կուսակցության խորհրդատու Փոլ Էրիքսոնը, որը կապված էր ռուսաստանցի Մարիա Բուտինայի հետ, ռեփերներ Lil Wayne-նն ու Kodak Black-ը։ Թրամփը ներում է շնորհել նաև Google ընկերության նախկին ինժեներ Էնթոնի Լևանդովսկուն, որին ազատազրկման էին դատապարտել կոմերցիոն տեղեկություն գողանալու ու այն մրցակիցներին փոխանցելու համար։
Ամերիկյան ԶԼՄ-ները կարծում էին, որ Թրամփը կանխարգելիչ կերպով ներում կշնորհի իրեն, իր ընտանիքի անդամներին ու հանրապետականներից ոմանց, բայց դա տեղի չունեցավ։ Ռեյտեր գործակալության տվյալներով՝ իրավաբանները նախագահին համոզել են չանել դա։ Հակառակ դեպքում նա հնարավոր իմպիչմենտի ֆոնին իրեն վտանգավոր դրության մեջ կգցեր։ Սպիտակ տան իրավաբանական խորհրդատու Փոլ Չիպոլոնեն կարծում է, որ դա կարող էին գնահատել որպես մեղքի անուղղակի խոստովանում։
Ռեյգանից մինչև Թրամփ. ԱՄՆ նախագահների երդմնակալությունը` լուսանկարներով
ԱՄՆ-ում նախագահի ներումը բողոքարկման ենթակա չէ։ Նախագահներից շատերն օգտագործում էին այդ լիազորությունները դատական հետապնդումը հանելու համար, և դա վերաբերվում էր նաև իրենց քաղաքական կողմնակիցներին։
Ներում շնորհելը նախագահի պարտականություններից է, որը նա պետք է կատարի մինչ լիազորության ավարտը։ Թրամփը դեռ սուրբծննդյան տոներից առաջ էր սկսել զբաղվել այդ հարցով։ Սակայն գործընթացը դադարեցվել էր հունվարի 6-ից առաջ, երբ ընտրությունների հաստատման ժամանակ Կապիտոլիումում անկարգությունների էին տեղի ունենում։
Գնացեք տուն. Թրամփը տեսաուղերձ է հղել Կապիտոլիումը շրջապատած կողմնակիցներին
