Фон для радио  - Sputnik Արմենիա
ՌԱԴԻՈ

Եթե Ադրբեջանը վտանգի Սևանի ջրային պաշարները, թիրախում կհայտնվի ողջ տարածաշրջանը. Զարաֆյան

© Sputnik / Andranik GhazaryanИнга Зарафян
Инга Зарафян - Sputnik Արմենիա
Բաժանորդագրվեք
Ի՞նչ վտանգ է սպառնում Սևանա լճին և որքանո՞վ են արդարացված բնապահպանների մտահոգությունները. բնապահպան, «Էկոլուր» ՀԿ նախագահ Ինգա Զարաֆյանի հետ Sputnik Արմենիայի եթերում զրուցել ենք հնարավոր ռիսկերի մասին։
«Եթե Ադրբեջանը որոշի վտանգել Սևանա լճի ջրային պաշարները, թիրախում կհայտնվի ամբողջ տարածաշրջանը». Զարաֆյան

Եթե ադրբեջանական կողմը մի օր որոշի Հայաստանին կանգնեցնել բնապահպանական աղետի առաջ և վտանգել Սևանա լճի ջրային պաշարները, թիրախում կհայտնվեն նաև Վրաստանը, Իրանը, Թուրքիան և նույն ինքը Ադրբեջանը, քանի որ նշված բոլոր պետությունները սնվում են Հայաստանի վերգետնյա ջրային պաշարներից։ Sputnik Արմենիայի հետ զրույցում նման կարծիք հայտնեց բնապահպան Ինգա Զարաֆյանը` մեկնաբանելով մի շարք բնապահպանների շրջանում առաջացած անհանգստությունը, թե թշնամու հսկողության տակ գտնվող Որոտան և Արփա գետերի ակունքները և Սևանա լիճը վտանգված են։

Омбудсмен Арман Татоян во время рабочего визита в Сюникскую область (8 января 2021). Сюник - Sputnik Արմենիա
Գեղարքունիքում անհանգիստ են. կենդանիները կարող են անցնել Ադրբեջանի կողմ

 «Քանի որ Ադրբեջանը, Վրաստանը, Իրանը և Թուրքիան գտնվում են մեր վերգետնյա ջրերի ազդեցության տակ, դժվար է պատկերացնել, որ պետական մակարդակով պլանավորած գործողություններ լինեն, որոնք կվտանգեն մեր ջրավազանները»,- ասաց նա։

Զարաֆյանն օրերս անձամբ է այցելել Սոթքի մոտակայքում գտնվող Գեղամասար և Մեծ Մասրիկ համայնքներ, հանդիպել բնակիչներին, որոնք ևս մտահոգված են ջրային պաշարների ճակատագրով։ Բնակիչներին բնապահպանը հորդորել է չշտապել, իսկ իր գործընկերներին կոչ է անում նման հայտարարություններ անելիս զգուշավորություն ցուցաբերել։

«Վտանգի մասին խոսելու համար պետք է հասկանալ, թե դրանց քանի՞ տոկոսն է անցնում Ադրբեջանի վերահսկողության տակ, կոնկրետ ո՞ր տարածքների, ո՞ր ակնունքների մասին է խոսքը։ Մինչդեռ, մենք չենք տեսել այդպիսի հաշվարկներ, ամեն մի հայտարարության տակ պետք է հաշվարկ լինի չէ՞»,- նշեց բնապահպանը։

Նրա խոսքով` նման որևէ տվյալ չի ներկայացրել շրջակա միջավայրի նախարար Ռոմանոս Պետրոսյանը, որը նախօրեին հրավիրած ասուլիսում նշել էր, որ Սևանա լիճը սնուցող Որոտան և Արփա գետերի ակունքները մնացել են Ադրբեջանի վերահսկողության տակ։

Սահմանների հարցը Գեղարքունիքում լուրջ խնդիրներ է ստեղծել. ի՞նչ է արձանագրել պաշտպանը

Ավելի ուշ նախարարի մամուլի քարտուղար Էդգար Առաքելյանը պարզաբանում էր տարածել՝ նշելով, թե նախարարը նկատի է ունեցել ոչ թե նշված գետերի անմիջական ակունքները, այլ Որոտան և Արփա գետերի ջրահավաք ավազանների մաս կազմող որոշակի տարածքները, որտեղ կան տվյալ գետերը սնուցող աղբյուրներ։ Դրանք Սևանա լիճը սնող ջրահավաք ավազանի վրա որոշակի ազդեցություն կարող են ունենալ։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала