Միջազգային հանրությունը պետք է հումանիտար օգնություն ցուցաբերի Ղարաբաղին. Պուտին

© Sputnik / Михаил КлиментьевПрезидент России Владимир Путин выступает по видеосвязи на сессии "Давосская повестка дня 2021" ВЭФ (27 января 2021). Москвa
Президент России Владимир Путин выступает по видеосвязи на сессии Давосская повестка дня 2021 ВЭФ (27 января 2021). Москвa - Sputnik Արմենիա
Բաժանորդագրվեք
НовостиTelegram
Լեռնային Ղարաբաղը, Ռուսաստանի նախագահի խոսքով, հումանիտար, վերականգնողական ու պատմամշակութային հուշարձանների պահպանման կարիք ունի։

ԵՐԵՎԱՆ, 27 հունվարի - Sputnik. Ռուսաստանի նախագահ Վլադիմիր Պուտինը Դավոսի համաշխարհային տնտեսական համաժողովում հեռավար ելույթի ժամանակ կոչ է արել միջազգային հանրությանը օգնություն ցուցաբերել Լեռնային Ղարաբաղում վերականգնողական աշխատանքներ իրականացնելու ու հումանիտար խնդիրները լուծելու համար։

Анна Нагдалян на брифинге с участием Арцруна Ованнисяна (27 сентября 2020). Еревaн - Sputnik Արմենիա
Կարևորում ենք միջազգային հանրության ջանքերը. Նաղդալյանի արձագանքը ԵԽ բանաձևերին

Նա հիշեցրել է, որ նոյեմբերին հաջողվել է հասնել եռակողմ՝ Ռուսաստանի, Հայաստանի ու Ադրբեջանի հայտարարությանը, որը, մեծ հաշվով, հետևողականորեն իրականացվում է։

«Հաջողվել է դադարեցնել արյունահեղությունը, դա ամենագլխավորն է, հասնել կրակի լիակատար դադարեցմանն ու սկսել կայունացման գործընթացը։ Այժմ միջազգային հանրության ու իհարկե՝ հակամարտության կարգավորմանը մասնակից երկրների առջև խնդիր է դրված օգնություն ցուցաբերել տուժած շրջաններին, փախստականների վերադարձի հետ կապված հումանիտար հարցերի լուծմանը, ավերված ենթակառուցվածքների վերականգնմանը, պատմական, կրոնական ու մշակութային հուշարձանների պահպանությանն ու վերականգնմանը»,-ասել է Պուտինը։

Նրա խոսքով՝ Ռուսաստանն ակտիվ միջնորդական ջանքեր է գործադրել, որպեսզի դադարեցնի ռազմական հակամարտությունը Լեռնային Ղարաբաղի շրջանում։

«Մենք ձգտել ենք հավատարիմ մնալ ԵԱՀԿ Մինսկի խմբում, մասնավորապես համանախագահների՝ Ռուսաստանի, ԱՄՆ-ի ու Ֆրանսիայի միջև ձեռք բերված պայմանավորվածություններին»,-նշել է ՌԴ նախագահն ու հավելել, որ դա «համագործակցության լավ օրինակ է»։

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Ի՞նչ ճակատագիր կունենան Ադրբեջանի տիրապետության տակ անցած պատմամշակութային հուշարձանները

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Լրահոս
0