Фон для радио  - Sputnik Արմենիա
ՌԱԴԻՈ

Եթե դժգոհությունը համատարած է, ինչու մարդիկ դուրս չեն գալիս փողոց. քաղաքագետի տեսակետը

© Sputnik / Andranik GhazaryanСтепан Даниелян
Степан Даниелян - Sputnik Արմենիա
Բաժանորդագրվեք
НовостиTelegram
Չնայած երկրում ստեղծված դժգոհության ալիքին` գործող իշխանությունը չի պատրաստվում հեռանալ։ Ընդդիմադիրներն էլ փորձում են հանրահավաքների միջոցով հասնել վարչապետի հրաժարականին։ Ինչո՞ւ ձնագնդի էֆեկտը չի գործում ավելի քան երկու ամիս տևող հանրահավաքային պայքարում։
Դժգոհությունը համատարած է, բայց մարդիկ դուրս չեն գալիս փողոց. ինչու` մեկնաբանում է քաղաքագետ Ստեփան Դանիելյանը

Մարդիկ փողոց դուրս չեն գալիս, հանրահավաքների ժամանակ ընդդիմության կողքին չեն կանգնում, քանի որ ընդդիմադիրները չեն խոսում իրենց հաջորդ քայլի կամ քայլերի մասին։ Sputnik Արմենիայի հետ զրույցում նման կարծիք հայտնեց քաղաքագետ Ստեփան Դանիելյանը։

Пресс-конференция премьер-министра Армении Никола Пашиняна (20 июля 2018). Еревaн - Sputnik Արմենիա
Ընտրություններում հիմնական մրցակցությունը լինելու է Քոչարյանի և Փաշինյանի միջև. քաղաքագետ

Նա քաղաքացիների պասիվությունը բացատրում է նաև ընդդիմության կողմից կարևորագույն խնդիրների շուրջ ծրագրային առաջարկների բացակայությամբ։

«Եթե դուրս չեն գալիս, չի նշանակում, որ բոլորը գոհ են գործող կառավարությունից և գործող վարչապետից։ Դժգոհությունը համատարած է, և այդ հարցերը չունենալու պատճառով մարդիկ չեն կարողանում ակտիվություն դրսևորել»,- ասաց քաղաքագետը։

Նրա խոսքով` հենց այս հարցերի վրա պետք է ուշադրություն դարձնեն նոյեմբերի 9-ից հետո հանրահավաքների հիմնական կազմակերպիչները`«Հայրենիքի փրկության շարժման» գաղափարի շուրջ համախմբված գործիչները։

Անդրադառնալով արտահերթ ընտրությունների կազմակերպմանը` քաղաքագետը նշեց, որ ընտրությունները պետք է կազմակերպել միմիայն գործող վարչապետի հրաժարականի դեպքում, բայց եթե ստեղծվի այնպիսի իրավիճակ, որ Նիկոլ Փաշինյանը շարունակի պաշտոնավարել, գործող ուժին ընտրությունների միջոցով պետք է հեռացնել։

«Արտահերթ ընտրություններին պատրաստ ենք, բայց ես առաջադրվելու եմ». Էդմոն Մարուքյան

Դանիելյանը բացառում է, որ ընտրություններում 17 կուսակցությունները հանդես կգան մեկ միասնական դաշինքով։ Արտահերթի դեպքում նրանցից յուրաքանչյուրը կուսակցական պայքարի կգնա, և ամեն մեկը կսկսի իր համար պայքարել։

Թե ինչ քաղաքական պլատֆորմով հանդես կգա ՀՀ երկրորդ նախագահ Ռոբերտ Քոչարյանը, Դանիելյանը դեռևս դժվարանում է մեկնաբանել։

Նշենք, որ նոյեմբերի 9–ին եռակողմ հայտարարության ընդունումից հետո ընդդիմադիր կուսակցությունները պահանջում են ՀՀ վարչապետ Նիկոլ Փաշինյանի հրաժարականը։ Հանրապետության հրապարակում դեկտեմբերի 22-ից ընդդիմադիրներն անժամկետ նստացույց են հայտարարել նույն պահանջով՝ վարչապետի հրաժարական: Ընդդիմությունն արդեն ներկայացրել է վարչապետի իր միասնական թեկնածուին` Վազգեն Մանուկյանին։

Փաշինյանը ե՞րբ վերածվեց «կաղ բադիկի». քաղտեխնոլոգի դիտարկումները

Լրահոս
0