Фон для радио  - Sputnik Արմենիա, 1920
ՌԱԴԻՈ

Ե՞րբ կսկսվի զինծառայողների պրոթեզավորման գործընթացը. Մինասյանը մանրամասներ է հայտնում

Айкуи Минасян - Sputnik Արմենիա, 1920, 01.02.2021
Բաժանորդագրվեք
Հայկուհի Մինասյանի խոսքով` Հայրենիքի պաշտպանի վերականգնողական կենտրոնում պրոթեզավորված զինծառայողների հետ առաջին փուլում կաշխատեն բացառապես արտերկրից ժամանած մասնագետները, հետագայում նրանց կփոխարինեն վերապատրաստման մեկնած հայ գործընկերները։
Սպասում են մասնագետներին` նոր պրոթեզարանի բացումը յոթը սարի հետևում չէ. զրույց Հայկուհի Մինասյանի հետ

Մինչև փետրվարի 20-ը Հայաստան կժամանեն մասնագետներ Մոսկվայից և Նիդեռլանդներից, որոնք ամպուտացված վերջույթներ ունեցող զինծառայողների համար համապատասխան պրոթեզներ կընտրեն։ Հենց նրանք էլ կպատրաստեն պրոֆեսիոնալ պրոթեզներն ու հաջորդ անգամ Հայաստան այցելելիս կտեղափոխեն դրանք։

Потерявший обе руки в последствии несчастного случая Артем Аракелян - Sputnik Արմենիա, 1920, 30.01.2021
Հայրենիքի պաշտպանի վերականգնողական կենտրոնում փետրվարին պրոթեզարան կբացվի

Բոլոր անհրաժեշտ սարքավորումներն արդեն Հայաստանում են, այժմ սպասում են պրոթեզներին։

«Ձեռքի պրոթեզների մասով մասնագետներին սպասում ենք առաջիկա երկու շաբաթների ընթացքում, իսկ ոտքի պրոթեզավորման գործընթացը կսկսի փետրվարի 20-ից»,- Sputnik Արմենիայի հետ զրույցում ասաց Հայրենիքի պաշտպանի վերականգնողական կենտրոնի տնօրեն Հայկուհի Մինասյանը։

Մի քանի օրից պրոթեզավորման գործընթացը կմեկնարկի, իսկ պրոթեզարանի պաշտոնական բացումը փոքր-ինչ կհետաձգվի, մինչև բարերարներն էլ Հայաստան հասնեն։

Վերականգնողական կենտրում պրոթեզավորված զինծառայողների հետ առաջին փուլում կաշխատեն բացառապես արտերկրից ժամանած մասնագետները, հետագայում նրանց կփոխարինեն վերապատրաստման մեկնած հայ գործընկերները։

«Յուրաքանչյուր զինվորի պետք է անհատական մոտեցում ցուցաբերվի։ Ծրագիրն իրականացվում է բացառապես կարիքների գնահատման սկզբունքով այնպես, որ մեր զինծառայողները աստիճանաբար սովորեն և հաղթահարեն պրոթեզավորման դժվարությունները»,- նշեց Մինասյանը։

Նրա խոսքով` կենտրոնում բուժում ստացող զինծառայողներից 127-ը ենթակա են պրոթեզավորման, իսկ պատերազմական գործողությունների մեկնարկից մինչև օրս վերականգնողական բուժում են ստացել շուրջ 300 զինվոր։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала